na sakat hai zabt-e-gham ki na majal-e-ashk-bari

na sakat hai zabt-e-ġham kī na majāl-e-ashk-bārī

ye ajiib kaifiyat hai na sukūñ na be-qarārī

tirā ek hī sitam hai tire har karam pe bhārī

ġham-e-do-jahāñ se de dī mujhe tū ne rustagārī

mirī zindagī kā hāsil tire ġham kī pāsdārī

tire ġham kī aabrū hai mujhe har ḳhushī se pyārī

ye qadam qadam balā.eñ ye savād-e-kū-e-jānāñ

vo yahīñ se lauT jaa.e jise zindagī ho pyārī

tire jāñ-navāz vaade mujhe kyā fareb dete

tire kaam aa ga.ī hai mirī zūd-e'tibārī

mirī raat muntazir hai kisī aur sub.h-e-nau kī

ye sahar tujhe mubārak jo hai zulmatoñ kī maarī

na sakat hai zabt-e-gham ki na majal-e-ashk-bari

ye ajib kaifiyat hai na sukun na be-qarari

tera ek hi sitam hai tere har karam pe bhaari

gham-e-do-jahan se de di mujhe tu ne rustagari

meri zindagi ka hasil tere gham ki pasdari

tere gham ki aabru hai mujhe har KHushi se pyari

ye qadam qadam balaen ye sawad-e-ku-e-jaanan

wo yahin se lauT jae jise zindagi ho pyari

tere jaan-nawaz wade mujhe kya fareb dete

tere kaam aa gai hai meri zud-e'tibari

meri raat muntazir hai kisi aur subh-e-nau ki

ye sahar tujhe mubarak jo hai zulmaton ki mari