nae hain wasl ke mausam mohabbaten bhi nai

na.e haiñ vasl ke mausam mohabbateñ bhī na.ī

na.e raqīb haiñ ab ke adāvateñ bhī na.ī

javāñ diloñ meñ panapte haiñ ab na.e rūmān

hasīn chehroñ pe likkhī ibārateñ bhī na.ī

vo mujh ko chhū ke pashemāñ hai ajnabī kī tarah

adā.eñ us kī achhūtī sharārteñ bhī na.ī

vo jis ne sar meñ diyā inqalāb kā saudā

mire lahū ko vo baḳhshe harārateñ bhī na.ī

ḳhushī meñ hans nahīñ sakte ye ġham ki ġham bhī nahīñ

hamāre karb anokhe aziyyateñ bhī na.ī

na.ī ravish na.e imkāñ nirālā tarz-e-'suḳhan'

hamāre lafzoñ se raushan bashārateñ bhī na.ī

nae hain wasl ke mausam mohabbaten bhi nai

nae raqib hain ab ke adawaten bhi nai

jawan dilon mein panapte hain ab nae ruman

hasin chehron pe likkhi ibaraten bhi nai

wo mujh ko chhu ke pasheman hai ajnabi ki tarah

adaen us ki achhuti shararten bhi nai

wo jis ne sar mein diya inqalab ka sauda

mere lahu ko wo baKHshe hararaten bhi nai

KHushi mein hans nahin sakte ye gham ki gham bhi nahin

hamare karb anokhe aziyyaten bhi nai

nai rawish nae imkan nirala tarz-e-'suKHan'

hamare lafzon se raushan bashaaraten bhi nai