nind aati hai magar KHwab nahin aate hain
niiñd aatī hai magar ḳhvāb nahīñ aate haiñ
mujh se milne mire ahbāb nahīñ aate haiñ
shahr kī bhiiḌ se ḳhud ko to bachā laatā huuñ
go salāmat mire āsāb nahīñ aate haiñ
tishnagī dasht kī dariyā ko Dubo de na kahīñ
is liye dasht meñ sailāb nahīñ aate haiñ
Dūbte vaqt samundar meñ mire haath lage
vo javāhir jo sar-e-āb nahīñ aate haiñ
yā unheñ aatī nahīñ bazm-e-suḳhan-ārā.ī
yā hameñ bazm ke ādāb nahīñ aate haiñ
ham-nashīñ dekh mukāfāt-e-amal hai duniyā
kaam kuchh bhī yahāñ asbāb nahīñ aate haiñ
nind aati hai magar KHwab nahin aate hain
mujh se milne mere ahbab nahin aate hain
shahr ki bhiD se KHud ko to bacha lata hun
go salamat mere aasab nahin aate hain
tishnagi dasht ki dariya ko Dubo de na kahin
is liye dasht mein sailab nahin aate hain
Dubte waqt samundar mein mere hath lage
wo jawahir jo sar-e-ab nahin aate hain
ya unhen aati nahin bazm-e-suKHan-arai
ya hamein bazm ke aadab nahin aate hain
ham-nashin dekh mukafat-e-amal hai duniya
kaam kuchh bhi yahan asbab nahin aate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
