nit nit ka ye aana jaana mere bas ki baat nahin

nit nit kā ye aanā jaanā mere bas kī baat nahīñ

darbānoñ ke naaz uThānā mere bas kī baat nahīñ

saaqī mai sāġhar paimāna mere bas kī baat nahīñ

sirf inhī se dil bahlānā mere bas kī baat nahīñ

ishq o mohabbat kyā hote haiñ kyā samjhā.ūñ vaa.iz ko

bhaiñs ke aage biin bajānā mere bas kī baat nahīñ

marnā to lāzim hai ik din jī bhar ke ab jī to luuñ

marne se pahle mar jaanā mere bas kī baat nahīñ

donoñ meñ hai nuur usī kā donoñ us ke maskan haiñ

ik kaaba hai ik but-ḳhāna mere bas kī baat nahīñ

nit nit ka ye aana jaana mere bas ki baat nahin

darbanon ke naz uThana mere bas ki baat nahin

saqi mai saghar paimana mere bas ki baat nahin

sirf inhi se dil bahlana mere bas ki baat nahin

ishq o mohabbat kya hote hain kya samjhaun waiz ko

bhains ke aage bin bajaana mere bas ki baat nahin

marna to lazim hai ek din ji bhar ke ab ji to lun

marne se pahle mar jaana mere bas ki baat nahin

donon mein hai nur usi ka donon us ke maskan hain

ek kaba hai ek but-KHana mere bas ki baat nahin