paida ye ghubar kyun hua hai

Zafar Iqbal

paida ye ghubar kyun hua hai

Zafar Iqbal

MORE BY Zafar Iqbal

    paidā ye ġhubār kyuuñ huā hai

    aur āḳhirī baar kyuuñ huā hai

    maiñ kab se khaḌā huuñ is kināre

    dariyā mire paar kyuuñ huā hai

    sab kuchh tabdīl hote hote

    shabnam se sharār kyuuñ huā hai

    dekhā huā rāsta ye merā

    dushvār-guzār kyuuñ huā hai

    ghere meñ liye hue huuñ ḳhud ko

    har-sū ye hisār kyuuñ huā hai

    jo paañv pakaḌ rahā thā pahle

    ab sar pe savār kyuuñ huā hai

    chhoḌā thā jo kaam dil ne us par

    phir se tayyār kyuuñ huā hai

    pahle to nahīñ thā ye tarīqa

    majma.a ye qatār kyuuñ huā hai

    aabā to 'zafar' nahīñ the aise

    phir sher shi.ār kyuuñ huā hai

    paida ye ghubar kyun hua hai

    aur aaKHiri bar kyun hua hai

    main kab se khaDa hun is kinare

    dariya mere par kyun hua hai

    sab kuchh tabdil hote hote

    shabnam se sharar kyun hua hai

    dekha hua rasta ye mera

    dushwar-guzar kyun hua hai

    ghere mein liye hue hun KHud ko

    har-su ye hisar kyun hua hai

    jo panw pakaD raha tha pahle

    ab sar pe sawar kyun hua hai

    chhoDa tha jo kaam dil ne us par

    phir se tayyar kyun hua hai

    pahle to nahin tha ye tariqa

    majma ye qatar kyun hua hai

    aaba to 'zafar' nahin the aise

    phir sher shiar kyun hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites