aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pattharon par wadiyon mein naqsh-e-pa mera bhi hai

Aslam Mahmood

pattharon par wadiyon mein naqsh-e-pa mera bhi hai

Aslam Mahmood

MORE BYAslam Mahmood

    pattharoñ par vādiyoñ meñ naqsh-e-pā merā bhī hai

    rāstoñ se manziloñ tak silsila merā bhī hai

    paañv us ke bhī nahīñ uThte mire ghar taraf

    aur ab ke rāsta badlā huā merā bhī hai

    habs ke aalam meñ bhī zinda huuñ terī aas par

    ai havā-e-tāza darvāza khulā merā bhī hai

    bādaloñ se ai zamīñ nahīñ hai nā-umīd

    rā.egāñ ab ke kuchh harf-e-duā merā bhī hai

    be-basārat shahr meñ be-chehragī ke darmiyāñ

    ik diyā jaltā huā ik ā.īna merā bhī hai

    dekhtā huuñ maiñ bhī sab ke saath duniyā ko magar

    ik alag zauq-e-nazar ik zāviya merā bhī hai

    tīrgī meñ aaj agar maiñ huuñ to ho saktā hai kal

    dastaras meñ chāñd ho āḳhir ḳhudā merā bhī hai

    pattharon par wadiyon mein naqsh-e-pa mera bhi hai

    raston se manzilon tak silsila mera bhi hai

    panw us ke bhi nahin uThte mere ghar ki taraf

    aur ab ke rasta badla hua mera bhi hai

    habs ke aalam mein bhi zinda hun teri aas par

    ai hawa-e-taza darwaza khula mera bhi hai

    baadalon se ai zamin tu hi nahin hai na-umid

    raegan sa ab ke kuchh harf-e-dua mera bhi hai

    be-basarat shahr mein be-chehragi ke darmiyan

    ek diya jalta hua ek aaina mera bhi hai

    dekhta hun main bhi sab ke sath duniya ko magar

    ek alag zauq-e-nazar ek zawiya mera bhi hai

    tirgi mein aaj agar main hun to ho sakta hai kal

    dastaras mein chand ho aaKHir KHuda mera bhi hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now