phir usi dhun mein usi dhyan mein aa jata hun
phir usī dhun meñ usī dhyān meñ aa jaatā huuñ
tujhe miltā huuñ to ausān meñ aa jaatā huuñ
be-nishāñ ho rahūñ jab tak tirī āvāz ke saath
phir kisī lafz sā imkān meñ aa jaatā huuñ
jism se jaise ta.alluq nahīñ rahtā koī
beshtar dīda-e-hairān meñ aa jaatā huuñ
shāḳh-e-gul se jo havā haath milātī hai kahīñ
isī asnā isī daurān meñ aa jaatā huuñ
tū kisī sub.h sī āñgan meñ utar aatī hai
maiñ kisī dhuup sā dālān meñ aa jaatā huuñ
phir usi dhun mein usi dhyan mein aa jata hun
tujhe milta hun to ausan mein aa jata hun
be-nishan ho rahun jab tak teri aawaz ke sath
phir kisi lafz sa imkan mein aa jata hun
jism se jaise talluq nahin rahta koi
beshtar dida-e-hairan mein aa jata hun
shaKH-e-gul se jo hawa hath milati hai kahin
isi asna isi dauran mein aa jata hun
tu kisi subh si aangan mein utar aati hai
main kisi dhup sa dalan mein aa jata hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
