qaid-e-gham-e-hayat se hum ko chhuDa liya

Shamim Karhani

qaid-e-gham-e-hayat se hum ko chhuDa liya

Shamim Karhani

MORE BYShamim Karhani

    qaid-e-ġham-e-hayāt se ham ko chhuḌā liyā

    achchhā kiyā ki aap ne apnā banā liyā

    hone diyā na ham ne añdherā shab-e-firāq

    bujhne lagā charāġh to dil ko jalā liyā

    duniyā ke paas hai koī is tanz javāb

    dīvāna apne haal pe ḳhud muskurā liyā

    kyā baat thī ki ḳhalvat-e-zāhid ko dekh kar

    rind-e-gunāhgār ne sar ko jhukā liyā

    chup huuñ tumhārā dard-e-mohabbat liye hue

    sab pūchhte haiñ tum ne zamāne se kyā liyā

    nā-qābil-e-bayāñ haiñ mohabbat lazzateñ

    kuchh dil jāntā hai jo dil ne mazā liyā

    roz-e-azal paḌī thī hazāroñ nemateñ

    ham ne kisī dard-e-mohabbat uThā liyā

    baḌhne lagī jo talḳhi-e-ġham-hā-e-zindagī

    thoḌā bāda-e-ġham-e-jānāñ milā liyā

    vāqif nahīñ giraft-e-tasavvur se vo 'shamīm'

    jo ye samajh rahe haiñ ki dāman chhuḌā liyā

    qaid-e-gham-e-hayat se hum ko chhuDa liya

    achchha kiya ki aap ne apna bana liya

    hone diya na hum ne andhera shab-e-firaq

    bujhne laga charagh to dil ko jala liya

    duniya ke pas hai koi is tanz ka jawab

    diwana apne haal pe KHud muskura liya

    kya baat thi ki KHalwat-e-zahid ko dekh kar

    rind-e-gunahgar ne sar ko jhuka liya

    chup hun tumhaara dard-e-mohabbat liye hue

    sab puchhte hain tum ne zamane se kya liya

    na-qabil-e-bayan hain mohabbat ki lazzaten

    kuchh dil hi jaanta hai jo dil ne maza liya

    roz-e-azal paDi thi hazaron hi nematen

    hum ne kisi ka dard-e-mohabbat uTha liya

    baDhne lagi jo talKHi-e-gham-ha-e-zindagi

    thoDa sa baada-e-gham-e-jaanan mila liya

    waqif nahin giraft-e-tasawwur se wo 'shamim'

    jo ye samajh rahe hain ki daman chhuDa liya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY