qalb-o-jigar ke dagh farozan kiye hue

qalb-o-jigar ke daaġh farozāñ kiye hue

haiñ ham bhī ehtimām-e-bahārāñ kiye hue

dīvāna-e-khirad ho ki majnūn-e-ishq ho

rahnā hai us ko chāk-garebāñ kiye hue

parde meñ shab ke ham ne chhupā.e haiñ dil ke zaḳhm

ik tīrgī hai dard kā darmāñ kiye hue

dil kā ajiib haal hai be-iḳhtiyār hai

yādoñ kī mezbānī kā sāmāñ kiye hue

rāz-e-hayāt kis ko batā.eñ ki har koī

hai zindagī ko maut kā unvāñ kiye hue

bhaTkā rahā hai dil ko kisī shaḳhs kā ḳhayāl

dil ko usī kī yaad pareshāñ kiye hue

kyā ho rahā hai dil pe asar un kā kyā kaheñ

jalve jo haiñ nigāh ko hairāñ kiye hue

qalb-o-jigar ke dagh farozan kiye hue

hain hum bhi ehtimam-e-bahaaran kiye hue

diwana-e-khirad ho ki majnun-e-ishq ho

rahna hai us ko chaak-gareban kiye hue

parde mein shab ke hum ne chhupae hain dil ke zaKHm

ek tirgi hai dard ka darman kiye hue

dil ka ajib haal hai be-iKHtiyar hai

yaadon ki mezbani ka saman kiye hue

raaz-e-hayat kis ko bataen ki har koi

hai zindagi ko maut ka unwan kiye hue

bhaTka raha hai dil ko kisi shaKHs ka KHayal

dil ko usi ki yaad pareshan kiye hue

kya ho raha hai dil pe asar un ka kya kahen

jalwe jo hain nigah ko hairan kiye hue