qarar pate hain aaKHir hum apni apni jagah

Basir Sultan Kazmi

qarar pate hain aaKHir hum apni apni jagah

Basir Sultan Kazmi

MORE BY Basir Sultan Kazmi

    qarār paate haiñ āḳhir ham apnī apnī jagah

    ziyāda rah nahīñ saktā koī kisī jagah

    banānī paḌtī hai har shaḳhs ko jagah apnī

    mile agarche ba-zāhir banī-banā.ī jagah

    haiñ apnī apnī jagah mutma.in jahāñ sab log

    tasavvurāt meñ mere hai ek aisī jagah

    gilā bhī tujh se bahut hai magar mohabbat bhī

    vo baat apnī jagah hai ye baat apnī jagah

    kiye hue hai farāmosh jise 'bāsir'

    vahī hai asl meñ terā maqām terī jagah

    qarar pate hain aaKHir hum apni apni jagah

    ziyaada rah nahin sakta koi kisi ki jagah

    banani paDti hai har shaKHs ko jagah apni

    mile agarche ba-zahir bani-banai jagah

    hain apni apni jagah mutmain jahan sab log

    tasawwuraat mein mere hai ek aisi jagah

    gila bhi tujh se bahut hai magar mohabbat bhi

    wo baat apni jagah hai ye baat apni jagah

    kiye hue hai faramosh tu jise 'basir'

    wahi hai asl mein tera maqam teri jagah

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY