qatl amir-e-shahr ka laDla beTa kar gaya

qatl amīr-e-shahr kā lāDlā beTā kar gayā

jurm magar ġharīb ke laḳht-e-jigar ke sar gayā

sub.h se shaam ho ga.ī vaqt kī dhūp-chhāñv meñ

lamha-ba-lamha 'umr kā saarā safar guzar gayā

kaisā vo hogā sang-e-ġham sahm ke jis ke ḳhauf se

aa.inā chhuT ke farsh par chāroñ taraf bikhar gayā

laakh ġharīb huuñ magar phir bhī huuñ ek aadmī

kaise mire zamīr kā aaj vo mol kar gayā

amn-o-sukūñ ke gaañv meñ mast-magan thā maiñ magar

kaun mirī hayāt ko ḳhāna-ba-dosh kar gayā

aap kī qadr-o-manzilat dekh shab-e-urūj meñ

vaqt bhī ehtirām meñ chal na sakā Thahar gayā

merī ridā kī fikr kyā tan kī qabā kī fikr kyā

aaj tumhāre shahr se 'shāriq'-e-dīda-var gayā

qatl amir-e-shahr ka laDla beTa kar gaya

jurm magar gharib ke laKHt-e-jigar ke sar gaya

subh se sham ho gai waqt ki dhup-chhanw mein

lamha-ba-lamha 'umr ka sara safar guzar gaya

kaisa wo hoga sang-e-gham sahm ke jis ke KHauf se

aaina chhuT ke farsh par chaaron taraf bikhar gaya

lakh gharib hun magar phir bhi hun ek aadmi

kaise mere zamir ka aaj wo mol kar gaya

amn-o-sukun ke ganw mein mast-magan tha main magar

kaun meri hayat ko KHana-ba-dosh kar gaya

aap ki qadr-o-manzilat dekh shab-e-uruj mein

waqt bhi ehtiram mein chal na saka Thahar gaya

meri rida ki fikr kya tan ki qaba ki fikr kya

aaj tumhaare shahr se 'shaariq'-e-dida-war gaya