raat ke baad wo subh kahan hai din ke baad wo sham kahan

raat ke ba.ad vo sub.h kahāñ hai din ke ba.ad vo shaam kahāñ

jo āshufta-sarī hai muqaddar us meñ qaid-e-maqām kahāñ

bhīgī raat hai suunī ghaḌiyāñ ab vo jalva-e-ām tamām

bandhan toḌ ke jā.ūñ lekin ai dil ai nākām kahāñ

ab vo hasrat-e-rusvā ban kar juzv-e-hayāt hai barsoñ se

jis se vahshat karte the tum ab vo ḳhayāl-e-ḳhām kahāñ

ziist kī rah meñ ab ham be-his tanhā sar-ba-girebāñ haiñ

kuchh ālām kā saath huā thā vo bhī nāfarjām kahāñ

karnī karte rāheñ takte ham ne umr gañvā.ī hai

ḳhūbi-e-qismat DhūñD ke haarī ham aise nākām kahāñ

apne haal ko jaan ke ham ne faqr kā dāman thāmā hai

jin dāmoñ ye duniyā miltī utne hamāre daam kahāñ

raat ke baad wo subh kahan hai din ke baad wo sham kahan

jo aashufta-sari hai muqaddar us mein qaid-e-maqam kahan

bhigi raat hai suni ghaDiyan ab wo jalwa-e-am tamam

bandhan toD ke jaun lekin ai dil ai nakaam kahan

ab wo hasrat-e-ruswa ban kar juzw-e-hayat hai barson se

jis se wahshat karte the tum ab wo KHayal-e-KHam kahan

zist ki rah mein ab hum be-his tanha sar-ba-gireban hain

kuchh aalam ka sath hua tha wo bhi nafarjam kahan

karni karte rahen takte hum ne umr ganwai hai

KHubi-e-qismat DhunD ke haari hum aise nakaam kahan

apne haal ko jaan ke hum ne faqr ka daman thama hai

jin damon ye duniya milti utne hamare dam kahan