aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rakkha nahin ghurbat ne kisi ek ka bharam bhi

Zuhoor Nazar

rakkha nahin ghurbat ne kisi ek ka bharam bhi

Zuhoor Nazar

MORE BYZuhoor Nazar

    rakkhā nahīñ ġhurbat ne kisī ik bharam bhī

    mai-ḳhāna bhī vīrāñ hai kalīsā bhī haram bhī

    luuTā hai zamāne ne mirā besh bhī kam bhī

    chhīnā thā tujhe chhīn liyā hai tirā ġham bhī

    be-āb huā ab to mirā dīda-e-nam bhī

    ai gardish-e-ālam kisī moḌ pe tham bhī

    sun ai but-e-jāñ-dār but-e-sīmbar ai sun

    toḌe na ga.e ham se to patthar ke sanam bhī

    maiñ vasl bhī kar na sakā shiddat-e-ġham kam

    aayā na kisī kaam tire hijr sam bhī

    dīvār-e-sukūñ baiTh ga.ī shiddat-e-nam se

    barsā hai mire ghar pe agar abr-e-karam bhī

    tanhā.ī na pūchh apnī ki saath ahl-e-junūñ ke

    chalte haiñ faqat chand qadam raah ke ḳham bhī

    sahrā-e-ġham-e-jāñ meñ bagūloñ se bachā kaun

    miT jā.eñge ai dost tire naqsh-e-qadam bhī

    sunte haiñ chamaktā hai vo chāñd ab bhī sar-e-bām

    hasrat hai ki bas ek nazar dekh leñ ham bhī

    rakkha nahin ghurbat ne kisi ek ka bharam bhi

    mai-KHana bhi viran hai kalisa bhi haram bhi

    luTa hai zamane ne mera besh bhi kam bhi

    chhina tha tujhe chhin liya hai tera gham bhi

    be-ab hua ab to mera dida-e-nam bhi

    ai gardish-e-alam tu kisi moD pe tham bhi

    sun ai but-e-jaan-dar but-e-simbar ai sun

    toDe na gae hum se to patthar ke sanam bhi

    main wasl ki bhi kar na saka shiddat-e-gham kam

    aaya na kisi kaam tere hijr ka sam bhi

    diwar-e-sukun baiTh gai shiddat-e-nam se

    barsa hai mere ghar pe agar abr-e-karam bhi

    tanhai na puchh apni ki sath ahl-e-junun ke

    chalte hain faqat chand qadam rah ke KHam bhi

    sahra-e-gham-e-jaan mein bagulon se bacha kaun

    miT jaenge ai dost tere naqsh-e-qadam bhi

    sunte hain chamakta hai wo chand ab bhi sar-e-baam

    hasrat hai ki bas ek nazar dekh len hum bhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now