rawa-rawi mein gulon ki bahaar kya dekhen

ravā-ravī meñ guloñ kī bahār kyā dekheñ

chaman chaman hai ḳhizāñ darkinār kyā dekheñ

navā-e-soz-e-fuġhāñ sho.ala-bār kyā dekheñ

jahān-e-husn meñ ik ḳhalfashār kyā dekheñ

har ek rañg meñ ye markaz-e-ham-o-ġham hai

ma.āl-e-hastī-e-nā-pā.edār kyā dekheñ

vo log jo ki ma.āl-e-chaman se vāqif haiñ

ḳhizāñ-nasīb guloñ kī bahār kyā dekheñ

vo chaar tinke nasheman ke kyā bache hoñge

chaman pe barq girī laakh baar kyā dekheñ

nazar fareb hai 'jauhar' ye kārobār-e-jahāñ

faroġh-e-māh o gul-e-mushk-bār kyā dekheñ

rawa-rawi mein gulon ki bahaar kya dekhen

chaman chaman hai KHizan darkinar kya dekhen

nawa-e-soz-e-fughan shoala-bar kya dekhen

jahan-e-husn mein ek KHalfashaar kya dekhen

har ek rang mein ye markaz-e-ham-o-gham hai

maal-e-hasti-e-na-paedar kya dekhen

wo log jo ki maal-e-chaman se waqif hain

KHizan-nasib gulon ki bahaar kya dekhen

wo chaar tinke nasheman ke kya bache honge

chaman pe barq giri lakh bar kya dekhen

nazar fareb hai 'jauhar' ye karobar-e-jahan

farogh-e-mah o gul-e-mushk-bar kya dekhen