sabhi kahen mere gham-KHwar ke alawa bhi

Ahmad Faraz

sabhi kahen mere gham-KHwar ke alawa bhi

Ahmad Faraz

MORE BY Ahmad Faraz

    sabhī kaheñ mire ġham-ḳhvār ke alāva bhī

    koī to baat karūñ yaar ke alāva bhī

    bahut se aise sitamgar the ab jo yaad nahīñ

    kisī habīb-e-dil-āzār ke alāva bhī

    ye kyā ki tum bhī sar-e-rāh haal pūchhte ho

    kabhī milo hameñ bāzār ke alāva bhī

    ujaaḌ ghar meñ ye ḳhushbū kahāñ se aa.ī hai

    koī to hai dar-o-dīvār ke alāva bhī

    so dekh kar tire ruḳhsār o lab yaqīñ aayā

    ki phuul khilte haiñ gulzār ke alāva bhī

    kabhī 'farāz' se aa kar milo jo vaqt mile

    ye shaḳhs ḳhuub hai ash.ār ke alāva bhī

    sabhi kahen mere gham-KHwar ke alawa bhi

    koi to baat karun yar ke alawa bhi

    bahut se aise sitamgar the ab jo yaad nahin

    kisi habib-e-dil-azar ke alawa bhi

    ye kya ki tum bhi sar-e-rah haal puchhte ho

    kabhi milo hamein bazar ke alawa bhi

    ujaD ghar mein ye KHushbu kahan se aai hai

    koi to hai dar-o-diwar ke alawa bhi

    so dekh kar tere ruKHsar o lab yaqin aaya

    ki phul khilte hain gulzar ke alawa bhi

    kabhi 'faraaz' se aa kar milo jo waqt mile

    ye shaKHs KHub hai ashaar ke alawa bhi

    RECITATIONS

    Nomaan Shauque

    Nomaan Shauque

    Nomaan Shauque

    sabhi kahen mere gham-KHwar ke alawa bhi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY