sach ko jhuT bana jata hai baz auqat
sach ko jhuuT banā jaatā hai ba.az auqāt
banda Thokar khā jaatā hai ba.az auqāt
ghar kī chhat par rim-jhim bārish jaltī dhuup
ye mausam bhī aa jaatā hai ba.az auqāt
achchhī qismat achchhā mausam achchhe log
phir bhī dil ghabrā jaatā hai ba.az auqāt
rozāna tū raat ga.e ghar aatā hai
shaam se pahle aa jaatā hai ba.az auqāt
jiit ke mujh se itnā kyuuñ itrāte ho
haar ke bhī jiitā jaatā hai ba.az auqāt
tum ne nāhaq rone kā ilzām diyā
aañkh meñ paanī aa jaatā hai ba.az auqāt
'manzar' mīThī bāteñ bhī to kartā hai
kaḌve bol sunā jaatā hai ba.az auqāt
sach ko jhuT bana jata hai baz auqat
banda Thokar kha jata hai baz auqat
ghar ki chhat par rim-jhim barish jalti dhup
ye mausam bhi aa jata hai baz auqat
achchhi qismat achchha mausam achchhe log
phir bhi dil ghabra jata hai baz auqat
rozana tu raat gae ghar aata hai
sham se pahle aa jata hai baz auqat
jit ke mujh se itna kyun itraate ho
haar ke bhi jita jata hai baz auqat
tum ne nahaq rone ka ilzam diya
aankh mein pani aa jata hai baz auqat
'manzar' miThi baaten bhi to karta hai
kaDwe bol suna jata hai baz auqat
Source:
Ghazal Calendar-2015 (Pg. 24.11.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
