sahra mein koi saya-e-diwar to dekho

Jazib Quraishi

sahra mein koi saya-e-diwar to dekho

Jazib Quraishi

MORE BY Jazib Quraishi

    sahrā meñ koī sāya-e-dīvār to dekho

    ai ham-safaro dhuup ke us paar to dekho

    jaltā huuñ añdheroñ meñ ki chamke koī chehra

    mausam haiñ adāvat ke magar pyaar to dekho

    daftar thakan oḌh ke tum jis se mile ho

    us shaḳhs ke taaza lab-o-ruḳhsār to dekho

    kyuuñ maañg rahe ho kisī bārish duā.eñ

    tum apne shikasta dar-o-dīvār to dekho

    kal shaam vo tanhā thā samundar ke kināre

    kyā soch rahe ho koī aḳhbār to dekho

    āñkheñ haiñ ki zaḳhmī haiñ badan haiñ ki shikasta

    āshob-e-safar huuñ mirī raftār to dekho

    sahra mein koi saya-e-diwar to dekho

    ai ham-safaro dhup ke us par to dekho

    jalta hun andheron mein ki chamke koi chehra

    mausam hain adawat ke magar pyar to dekho

    daftar ki thakan oDh ke tum jis se mile ho

    us shaKHs ke taza lab-o-ruKHsar to dekho

    kyun mang rahe ho kisi barish ki duaen

    tum apne shikasta dar-o-diwar to dekho

    kal sham wo tanha tha samundar ke kinare

    kya soch rahe ho koi aKHbar to dekho

    aankhen hain ki zaKHmi hain badan hain ki shikasta

    aashob-e-safar hun meri raftar to dekho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY