shayad abhi kami si masihaiyon mein hai

shāyad abhī kamī sī masīhā.iyoñ meñ hai

jo dard hai vo ruuh kī gahrā.iyoñ meñ hai

jis ko kabhī ḳhayāl kā paikar na mil sakā

vo aks mere zehn kī rānā.iyoñ meñ hai

kal tak to zindagī thī tamāshā banī huī

aur aaj zindagī bhī tamāshā.iyoñ meñ hai

hai kis liye ye vus.at-e-dāmān-e-iltifāt

dil kā sukūn to inhī tanhā.iyoñ meñ hai

ye dasht-e-ārzū hai yahāñ ek ek dil

tujh ko ḳhabar bhī hai tire saudā.iyoñ meñ hai

tanhā nahīñ hai ai shab-e-giryāñ diye kī lau

yādoñ kī ek shaam bhī parchhā.iyoñ meñ hai

'gulnār' maslahat kī zabāñ meñ na baat kar

vo zahr pī ke dekh jo sachchā.iyoñ meñ hai

shayad abhi kami si masihaiyon mein hai

jo dard hai wo ruh ki gahraiyon mein hai

jis ko kabhi KHayal ka paikar na mil saka

wo aks mere zehn ki ranaiyon mein hai

kal tak to zindagi thi tamasha bani hui

aur aaj zindagi bhi tamashaiyon mein hai

hai kis liye ye wusat-e-daman-e-iltifat

dil ka sukun to inhi tanhaiyon mein hai

ye dasht-e-arzu hai yahan ek ek dil

tujh ko KHabar bhi hai tere saudaiyon mein hai

tanha nahin hai ai shab-e-giryan diye ki lau

yaadon ki ek sham bhi parchhaiyon mein hai

'gulnar' maslahat ki zaban mein na baat kar

wo zahr pi ke dekh jo sachchaiyon mein hai