shoala-e-ishq bujhana bhi nahin chahta hai

Irfan Siddiqi

shoala-e-ishq bujhana bhi nahin chahta hai

Irfan Siddiqi

MORE BYIrfan Siddiqi

    sho.ala-e-ishq bujhānā bhī nahīñ chāhtā hai

    vo magar ḳhud ko jalānā bhī nahīñ chāhtā hai

    us ko manzūr nahīñ hai mirī gumrāhī bhī

    aur mujhe raah pe laanā bhī nahīñ chāhtā hai

    jab se jaanā hai ki maiñ jaan samajhtā huuñ use

    vo hiran chhoḌ ke jaanā bhī nahīñ chāhtā hai

    sair bhī jism ke sahrā ḳhush aatī hai magar

    der tak ḳhaak uḌānā bhī nahīñ chāhtā hai

    kaise us shaḳhs se tābīr pe isrār kareñ

    jo hameñ ḳhvāb dikhānā bhī nahīñ chāhtā hai

    apne kis kaam meñ lā.egā batātā bhī nahīñ

    ham ko auroñ pe gañvānā bhī nahīñ chāhtā hai

    mere lafzoñ meñ bhī chhuptā nahīñ paikar us

    dil magar naam batānā bhī nahīñ chāhtā hai

    shoala-e-ishq bujhana bhi nahin chahta hai

    wo magar KHud ko jalana bhi nahin chahta hai

    us ko manzur nahin hai meri gumrahi bhi

    aur mujhe rah pe lana bhi nahin chahta hai

    jab se jaana hai ki main jaan samajhta hun use

    wo hiran chhoD ke jaana bhi nahin chahta hai

    sair bhi jism ke sahra ki KHush aati hai magar

    der tak KHak uDana bhi nahin chahta hai

    kaise us shaKHs se tabir pe israr karen

    jo hamein KHwab dikhana bhi nahin chahta hai

    apne kis kaam mein laega batata bhi nahin

    hum ko auron pe ganwana bhi nahin chahta hai

    mere lafzon mein bhi chhupta nahin paikar us ka

    dil magar nam batana bhi nahin chahta hai

    RECITATIONS

    Nomaan Shauque

    Nomaan Shauque

    Nomaan Shauque

    shoala-e-ishq bujhana bhi nahin chahta hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY