aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sine ki aag aatish-e-mahshar ho jis tarah

Saif Zulfi

sine ki aag aatish-e-mahshar ho jis tarah

Saif Zulfi

MORE BYSaif Zulfi

    siine aag ātish-e-mahshar ho jis tarah

    yuuñ maujzan hai ġham ki samundar ho jis tarah

    zaḳhmoñ se yuuñ hai jism dīvār zau-fagan

    sho.aloñ raqs shāḳh-e-shajar par ho jis tarah

    bādal shor hāñpte peḌoñ bebasī

    yuuñ dekhtā huuñ mere andar ho jis tarah

    uḌte hue ġhubār meñ āñkhoñ dasht bhī

    kuchh yuuñ lagā ki ḳhushk samundar ho jis tarah

    bastī ke ek moḌ pe barsoñ se ik khañDar

    yuuñ nauhagar hai merā muqaddar ho jis tarah

    vīrāniyoñ kis se gilā kījiye ki dil

    itnā udaas hai ki luTā ghar ho jis tarah

    sukh ugī na dhuup na dukh miTī lakīr

    yuuñ hai mirā nasīb ki patthar ho jis tarah

    ehsās meñ shadīd talātum ke bāvajūd

    chup huuñ mujhe sukūn mayassar ho jis tarah

    yuuñ hasratoñ ke ḳhuuñ mahak meñ basā hai dil

    mehñdī-rachā vo haat mo.attar ho jis tarah

    pyāsā huuñ paas hai vo chamaktā huā badan

    yuuñ haat kāñptā hai koī Dar ho jis tarah

    patthar na jaan tujh ko dikhā.ūñgā āb-o-tāb

    yuuñ qaid huuñ ki siip meñ gauhar ho jis tarah

    'zulfī' ko khīñcho! daar pe dīvār meñ chuno

    sach boltā hai yuuñ ki payambar ho jis tarah

    sine ki aag aatish-e-mahshar ho jis tarah

    yun maujzan hai gham ki samundar ho jis tarah

    zaKHmon se yun hai jism ki diwar zau-fagan

    shoalon ka raqs shaKH-e-shajar par ho jis tarah

    baadal ka shor hanpte peDon ki bebasi

    yun dekhta hun mere hi andar ho jis tarah

    uDte hue ghubar mein aankhon ka dasht bhi

    kuchh yun laga ki KHushk samundar ho jis tarah

    basti ke ek moD pe barson se ek khanDar

    yun nauhagar hai mera muqaddar ho jis tarah

    viraniyon ka kis se gila kijiye ki dil

    itna udas hai ki luTa ghar ho jis tarah

    sukh ki ugi na dhup na dukh ki miTi lakir

    yun hai mera nasib ki patthar ho jis tarah

    ehsas mein shadid talatum ke bawajud

    chup hun mujhe sukun mayassar ho jis tarah

    yun hasraton ke KHun ki mahak mein basa hai dil

    mehndi-racha wo hat moattar ho jis tarah

    pyasa hun pas hai wo chamakta hua badan

    yun hat kanpta hai koi Dar ho jis tarah

    patthar na jaan tujh ko dikhaunga aab-o-tab

    yun qaid hun ki sip mein gauhar ho jis tarah

    'zulfi' ko khincho! dar pe diwar mein chuno

    sach bolta hai yun ki payambar ho jis tarah

    Source:

    Range-e-Gazal (Pg. 388)

    • Author: shahzaad ahmad
      • Edition: 1988
      • Publisher: Ali Printers, 19-A Abate Road, Lahore
      • Year of Publication: 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now