sochta hun ki apni raza ke liye chhoD dun

Zafar Iqbal

sochta hun ki apni raza ke liye chhoD dun

Zafar Iqbal

MORE BY Zafar Iqbal

    sochtā huuñ ki apnī razā ke liye chhoḌ duuñ

    vo jo kahtā hai us ko ḳhudā ke liye chhoḌ duuñ

    chūmne ke liye thaam rakhkhūñ koī dam vo haath

    aur vo paañv rañg-e-hinā ke liye chhoḌ duuñ

    shahr ko saare logoñ meñ taqsīm kar duuñ magar

    chand galiyāñ maiñ apnī sadā ke liye chhoḌ duuñ

    ḳhvāhisheñ tañg haiñ dil ke andar agar tum kaho

    ye kabūtar tumhārī fazā ke liye chhoḌ duuñ

    kār-e-mushkil to hai magar maiñ bhī majbūr huuñ

    ibtidā ko agar intihā ke liye chhoḌ duuñ

    merā hargiz bhī koī bharosā nahīñ hai agar

    maiñ ravā ko yahāñ nā-ravā ke liye chhoḌ duuñ

    ye bhī mumkin hai ḳhud se kisī din guzarte hue

    apne TukḌe kahīñ jā-ba-jā ke liye chhoḌ duuñ

    ab ye sochā hai muTThī meñ umr-e-baqāyā mirī

    jo bhī hai ek der-āshnā ke liye chhoḌ duuñ

    ḳhud se bāhar nikal jā.ūñ maiñ aur ḳhud ko 'zafar'

    koī din jañgaloñ havā ke liye chhoḌ duuñ

    sochta hun ki apni raza ke liye chhoD dun

    wo jo kahta hai us ko KHuda ke liye chhoD dun

    chumne ke liye tham rakhkhun koi dam wo hath

    aur wo panw rang-e-hina ke liye chhoD dun

    shahr ko sare logon mein taqsim kar dun magar

    chand galiyan main apni sada ke liye chhoD dun

    KHwahishen tang hain dil ke andar agar tum kaho

    ye kabutar tumhaari faza ke liye chhoD dun

    kar-e-mushkil to hai hi magar main bhi majbur hun

    ibtida ko agar intiha ke liye chhoD dun

    mera hargiz bhi koi bharosa nahin hai agar

    main rawa ko yahan na-rawa ke liye chhoD dun

    ye bhi mumkin hai KHud se kisi din guzarte hue

    apne TukDe kahin ja-ba-ja ke liye chhoD dun

    ab ye socha hai muTThi mein umr-e-baqaya meri

    jo bhi hai ek der-ashna ke liye chhoD dun

    KHud se bahar nikal jaun main aur KHud ko 'zafar'

    koi din jangalon ki hawa ke liye chhoD dun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites