taskin de sakenge na jam-o-subu mujhe

Mahesh Chandra Naqsh

taskin de sakenge na jam-o-subu mujhe

Mahesh Chandra Naqsh

MORE BYMahesh Chandra Naqsh

    taskīn de sakeñge na jām-o-subū mujhe

    bechain kar rahī hai tirī aarzū mujhe

    mujh se talāsh-e-rāh dushvāriyāñ na pūchh

    bhaTkā rahā hai zauq-e-safar chār-sū mujhe

    bazm-e-asar-fareb tabdīliyāñ to dekh

    maġhmūm aa rahe haiñ nazar ḳhūb-rū mujhe

    terī nazar na jaan sakī mere dil haal

    kyā mutma.in karegī tirī guftugū mujhe

    ai 'naqsh' iztirāb-e-dil-o-jāñ ko kyā karūñ

    barbād kar rahā hai ġham-e-ārzū mujhe

    taskin de sakenge na jam-o-subu mujhe

    bechain kar rahi hai teri aarzu mujhe

    mujh se talash-e-rah ki dushwariyan na puchh

    bhaTka raha hai zauq-e-safar chaar-su mujhe

    bazm-e-asar-fareb ki tabdiliyan to dekh

    maghmum aa rahe hain nazar KHub-ru mujhe

    teri nazar na jaan saki mere dil ka haal

    kya mutmain karegi teri guftugu mujhe

    ai 'naqsh' iztirab-e-dil-o-jaan ko kya karun

    barbaad kar raha hai gham-e-arzu mujhe

    Source :
    • Book : Andaaz (Pg. 105)
    • Author : Mahesh Chandr Naqsh
    • Publication : Sangam Kitab Ghar,  Delhi (1962)
    • Edition : 1962
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY