teri taswir ko taskin-e-jigar samjhe hain

terī tasvīr ko taskīn-e-jigar samjhe haiñ

tere dīdār ko ham zauq-e-nazar samjhe haiñ

qahr kī āñkhoñ se tum ne hameñ jab bhī dekhā

ham ise ain mohabbat kī nazar samjhe haiñ

hai yahī un kā samajhnā to ḳhudā hāfiz hai

tālib-e-ḳhair ko vo bāni-e-shar samjhe haiñ

un kī mānind koī sāhab-e-idrāk kahāñ

jo farishte nahīñ samjhe vo bashar samjhe haiñ

apnī āñkhoñ meñ jagah dete haiñ mujh ko 'sābir'

mere ahbāb mujhe kohl-e-basar samjhe haiñ

teri taswir ko taskin-e-jigar samjhe hain

tere didar ko hum zauq-e-nazar samjhe hain

qahr ki aankhon se tum ne hamein jab bhi dekha

hum ise ain mohabbat ki nazar samjhe hain

hai yahi un ka samajhna to KHuda hafiz hai

talib-e-KHair ko wo bani-e-shar samjhe hain

un ki manind koi sahab-e-idrak kahan

jo farishte nahin samjhe wo bashar samjhe hain

apni aankhon mein jagah dete hain mujh ko 'sabir'

mere ahbab mujhe kohl-e-basar samjhe hain