tirgi mein subh ki tanwir ban jaenge hum

tīrgī meñ sub.h kī tanvīr ban jā.eñge ham

ḳhvāb tum dekhoge aur ta.abīr ban jā.eñge ham

ab ke ye sochā hai gar āzād tum ne kar diyā

ḳhud hī apne paañv kī zanjīr ban jā.eñge ham

āñsuoñ se likh rahe haiñ bebasī kī dāstāñ

lag rahā hai dard kī tasvīr ban jā.eñge ham

likh na paa.e jo kisī kī nīm-bāz ā.ankhoñ kā raaz

vo ye va.ada kar rahe haiñ 'mīr' ban jā.eñge ham

gar yuuñ hī baḌhtā rahā din raat shuġhl-e-mai-kashī

ek din is mai-kade ke piir ban jā.eñge ham

us ne bhī auroñ ke jaisā hī kiyā ham se sulūk

jo ye kahtā thā tirī taqdīr ban jā.eñge ham

tirgi mein subh ki tanwir ban jaenge hum

KHwab tum dekhoge aur tabir ban jaenge hum

ab ke ye socha hai gar aazad tum ne kar diya

KHud hi apne panw ki zanjir ban jaenge hum

aansuon se likh rahe hain bebasi ki dastan

lag raha hai dard ki taswir ban jaenge hum

likh na pae jo kisi ki nim-baz aaankhon ka raaz

wo ye wada kar rahe hain 'mir' ban jaenge hum

gar yun hi baDhta raha din raat shughl-e-mai-kashi

ek din is mai-kade ke pir ban jaenge hum

us ne bhi auron ke jaisa hi kiya hum se suluk

jo ye kahta tha teri taqdir ban jaenge hum