tere raston se jabhi guzar nahin kar raha

Zafar Iqbal

tere raston se jabhi guzar nahin kar raha

Zafar Iqbal

MORE BY Zafar Iqbal

    tire rāstoñ se jabhī guzar nahīñ kar rahā

    ki meñ apnī umr abhī basar nahīñ kar rahā

    koī baat hai jo hai darmiyāñ maiñ rukī huī

    koī kaam hai jo maiñ rāt-bhar nahīñ kar rahā

    hai koī ḳhabar jo chhipā.e baiThā huuñ ḳhalq se

    koī ḳhvāb hai jise dar-ba-dar nahīñ kar rahā

    tirī baat koī bhī māntā nahīñ shahr meñ

    to mirā kahā bhī kahīñ asar nahīñ kar rahā

    kahīñ mere gird-o-navāh meñ koī shai nahīñ

    maiñ kisī taraf bhī abhī nazar nahīñ kar rahā

    koī shāḳh hai jise barg-o-bār nahīñ mile

    koī shaam hai jise maiñ shajar nahīñ kar rahā

    koī is pe ġhaur agar kare bhī to kis liye

    ye suḳhan maiñ aap bhī soch kar nahīñ kar rahā

    abhī merī apnī samajh meñ bhī nahīñ aa rahī

    maiñ jabhī to baat ko muḳhtasar nahīñ kar rahā

    ye maiñ apne aib jo kar rahā huuñ ayaañ 'zafar'

    to dar-asl ye bhī koī hunar nahīñ kar rahā

    tere raston se jabhi guzar nahin kar raha

    ki mein apni umr abhi basar nahin kar raha

    koi baat hai jo hai darmiyan main ruki hui

    koi kaam hai jo main raat-bhar nahin kar raha

    hai koi KHabar jo chhipae baiTha hun KHalq se

    koi KHwab hai jise dar-ba-dar nahin kar raha

    teri baat koi bhi manta nahin shahr mein

    to mera kaha bhi kahin asar nahin kar raha

    kahin mere gird-o-nawah mein koi shai nahin

    main kisi taraf bhi abhi nazar nahin kar raha

    koi shaKH hai jise barg-o-bar nahin mile

    koi sham hai jise main shajar nahin kar raha

    koi is pe ghaur agar kare bhi to kis liye

    ye suKHan main aap bhi soch kar nahin kar raha

    abhi meri apni samajh mein bhi nahin aa rahi

    main jabhi to baat ko muKHtasar nahin kar raha

    ye main apne aib jo kar raha hun ayan 'zafar'

    to dar-asl ye bhi koi hunar nahin kar raha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites