us dil ki musibat kaun sune jo gham ke muqabil aa jae

Nushur Wahidi

us dil ki musibat kaun sune jo gham ke muqabil aa jae

Nushur Wahidi

MORE BYNushur Wahidi

    us dil musībat kaun sune jo ġham ke muqābil aa jaa.e

    kis ne ye kahā thā tinke se vo bijlī se Takrā jaa.e

    duniyā bahāroñ se āñkheñ yuuñ pher liiñ jaane vāloñ ne

    jaise koī lambe qisse ko paḌhte paḌhte uktā jaa.e

    āġhāz-e-mohabbat hai aur dil yuuñ haath se niklā jaatā hai

    jaise kisī alhaḌ āñchal sarkā jaa.e Dhalkā jaa.e

    guzre hue dilkash lamhoñ bhūlī huī yaad aisī aa.ī

    jaise koī pītam pardesī sote meñ achānak aa jaa.e

    jab pahle-pahal ehsās huā hai ġham to dil aisā kāñpā

    jaise ki dulhan pahlī shab aahaT jo mile tharrā jaa.e

    kan.ghe se ghanerī zulfoñ meñ yuuñ lahreñ uThtī jaatī haiñ

    jaise ki dhuñdlakā sāvan baḌhtā jaa.e baḌhtā jaa.e

    hastī nazāra kyā kahiye martā hai koī jiitā hai koī

    jaise ki divālī ho ki diyā jaltā jaa.e bujhtā jaa.e

    ik aas jo dil TuuT ga.ī phir dil ḳhushī baaqī na rahī

    jaise ki añdhere ghar diyā gul ho to añdherā chhā jaa.e

    dil hai ki 'nushūr' ik baajā hai siine ke andar tāroñ

    jab choT paḌe jhankār uThe jab Thes lage tharrā jaa.e

    us dil ki musibat kaun sune jo gham ke muqabil aa jae

    kis ne ye kaha tha tinke se wo bijli se Takra jae

    duniya ki bahaaron se aankhen yun pher lin jaane walon ne

    jaise koi lambe qisse ko paDhte paDhte ukta jae

    aaghaz-e-mohabbat hai aur dil yun hath se nikla jata hai

    jaise kisi alhaD ka aanchal sarka jae Dhalka jae

    guzre hue dilkash lamhon ki bhuli hui yaad aisi aai

    jaise koi pitam pardesi sote mein achanak aa jae

    jab pahle-pahal ehsas hua hai gham ka to dil aisa kanpa

    jaise ki dulhan pahli shab ki aahaT jo mile tharra jae

    kanghe se ghaneri zulfon mein yun lahren uThti jati hain

    jaise ki dhundlaka sawan ka baDhta jae baDhta jae

    hasti ka nazara kya kahiye marta hai koi jita hai koi

    jaise ki diwali ho ki diya jalta jae bujhta jae

    ek aas jo dil ki TuT gai phir dil ki KHushi baqi na rahi

    jaise ki andhere ghar ka diya gul ho to andhera chha jae

    dil hai ki 'nushur' ek baja hai sine ke andar taron ka

    jab choT paDe jhankar uThe jab Thes lage tharra jae

    Source:

    • Book : Sawad-e-manzil (Pg. 123)
    • Author : Nushoor Wahedi
    • Publication : Maktaba Jamia Ltd, Delhi (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY