wahan har ek isi nashsha-e-ana mein hai

vahāñ har ek isī nashsha-e-anā meñ hai

ki ḳhāk-e-rahguzar-e-yār bhī havā meñ hai

alif se naam tirā tere naam se maiñ alif

ilāhī merā har ik dard is duā meñ hai

vahī kasīlī sī lazzat vahī siyāh maza

jo sirf hosh meñ thā harf-e-nā-ravā meñ hai

vo koī thā jo abhī uTh ke darmiyāñ se gayā

hisāb kiije to har ek apnī jā meñ hai

namī utar ga.ī dhartī meñ tah-ba-tah 'aslam'

bahār-e-ashk na.ī rut kī ibtidā meñ hai

wahan har ek isi nashsha-e-ana mein hai

ki KHak-e-rahguzar-e-yar bhi hawa mein hai

alif se nam tera tere nam se main alif

ilahi mera har ek dard is dua mein hai

wahi kasili si lazzat wahi siyah maza

jo sirf hosh mein tha harf-e-na-rawa mein hai

wo koi tha jo abhi uTh ke darmiyan se gaya

hisab kije to har ek apni ja mein hai

nami utar gai dharti mein tah-ba-tah 'aslam'

bahaar-e-ashk nai rut ki ibtida mein hai