wahi hua ki KHud bhi jis ka KHauf tha mujhe
vahī huā ki ḳhud bhī jis kā ḳhauf thā mujhe
charāġh ko jalā ke bas dhuāñ milā mujhe
kabhī miTā sakā na koī dūsrā mujhe
shikast de ga.ī magar mirī anā mujhe
javāb is savāl kā bhī de zarā mujhe
uḌā ke laa.ī hai yahāñ pe kyuuñ havā mujhe
harī-bharī sī shāḳh par khilā huā gulāb
na jaane ek ḳhaar kyuuñ chubhā gayā mujhe
us ajnabī se vāsta zarūr thā koī
vo jab kabhī milā to bas mirā lagā mujhe
abhī na mujh ko Tokiye abhī to zindagī
sunā rahī hai giit roz ik nayā mujhe
ye muddatoñ ke baad jo kahī ġhazal 'hilāl'
vo kaun hai jo aaj yaad aa gayā mujhe
wahi hua ki KHud bhi jis ka KHauf tha mujhe
charagh ko jala ke bas dhuan mila mujhe
kabhi miTa saka na koi dusra mujhe
shikast de gai magar meri ana mujhe
jawab is sawal ka bhi de zara mujhe
uDa ke lai hai yahan pe kyun hawa mujhe
hari-bhari si shaKH par khila hua gulab
na jaane ek KHar kyun chubha gaya mujhe
us ajnabi se wasta zarur tha koi
wo jab kabhi mila to bas mera laga mujhe
abhi na mujh ko Tokiye abhi to zindagi
suna rahi hai git roz ek naya mujhe
ye muddaton ke baad jo kahi ghazal 'hilal'
wo kaun hai jo aaj yaad aa gaya mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
