wo aaj lauT bhi aae to is se kya hoga
vo aaj lauT bhī aa.e to is se kyā hogā
ab us nigāh kā patthar se sāmnā hogā
zamīñ ke zaḳhm samundar to bhar na pā.egā
ye kaam dīda-e-tar tujh ko sauñpnā hogā
hazār neze udhar aur maiñ idhar tanhā
mirī shikast kā unvāñ hī dūsrā hogā
jo tez dhuup meñ sāyoñ kī fasl bote haiñ
yahāñ kī aab o havā kā unheñ pata hogā
maiñ aur ek qadam us kī samt baḌh jaatā
pata na thā ki vo itnā gurez-pā hogā
mirā yaqīñ hai ki rāh-e-vafā meñ mere ba.ad
mirā safar tire qadmoñ ne tai kiyā hogā
wo aaj lauT bhi aae to is se kya hoga
ab us nigah ka patthar se samna hoga
zamin ke zaKHm samundar to bhar na paega
ye kaam dida-e-tar tujh ko saunpna hoga
hazar neze udhar aur main idhar tanha
meri shikast ka unwan hi dusra hoga
jo tez dhup mein sayon ki fasl bote hain
yahan ki aab o hawa ka unhen pata hoga
main aur ek qadam us ki samt baDh jata
pata na tha ki wo itna gurez-pa hoga
mera yaqin hai ki rah-e-wafa mein mere baad
mera safar tere qadmon ne tai kiya hoga
Source:
ras-Rang(Mehfil-e-Adab) (Pg. 8)
-
- Edition: 2001
- Year of Publication: 2001
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
