wo jo dagh-e-ishq tha KHush-numa jo amanat-e-dil-e-zar tha

Javed Vashisht

wo jo dagh-e-ishq tha KHush-numa jo amanat-e-dil-e-zar tha

Javed Vashisht

MORE BYJaved Vashisht

    vo jo dāġh-e-ishq thā ḳhush-numā jo amānat-e-dil-e-zār thā

    sar-e-bazm thā to charāġh thā sar-e-rāh thā to ġhubār thā

    use maiñ jānūñ huuñ dostoñ kisū vaqt apnā bhī yaar thā

    kabhū mom thā kabhū sañg thā kabhū phuul thā kabhū ḳhaar thā

    tirī yaad hai ki bujhī bujhī tirā zikr hai ki rukā rukā

    tirī yaad se to sukūn thā tire zikr se to qarār thā

    ye to vaqt vaqt baat hai hameñ un se koī gila nahīñ

    vo hoñ aaj ham se ḳhafā ḳhafā kabhū ham se un ko bhī pyaar thā

    vo nagar to kab ujaḌ gayā ham usī nagar se to aa.e haiñ

    kahīñ maqbara thā ḳhulūs to kahīñ vafā mazār thā

    jise shauq thā tirī diid jise pyaas thī tire pyaar

    jo tirī galī meñ muqīm thā vahī ajnabī sar-e-dār thā

    tire dil se merā ḳhulūs-e-dil na jhalak sakā to maiñ kyā karūñ

    mire aks to ḳhatā na thī tire ā.īne pe ġhubār thā

    wo jo dagh-e-ishq tha KHush-numa jo amanat-e-dil-e-zar tha

    sar-e-bazm tha to charagh tha sar-e-rah tha to ghubar tha

    use main hi jaanun hun doston kisu waqt apna bhi yar tha

    kabhu mom tha kabhu sang tha kabhu phul tha kabhu KHar tha

    teri yaad hai ki bujhi bujhi tera zikr hai ki ruka ruka

    teri yaad se to sukun tha tere zikr se to qarar tha

    ye to waqt waqt ki baat hai hamein un se koi gila nahin

    wo hon aaj hum se KHafa KHafa kabhu hum se un ko bhi pyar tha

    wo nagar to kab ka ujaD gaya hum usi nagar se to aae hain

    kahin maqbara tha KHulus ka to kahin wafa ka mazar tha

    jise shauq tha teri did ka jise pyas thi tere pyar ki

    jo teri gali mein muqim tha wahi ajnabi sar-e-dar tha

    tere dil se mera KHulus-e-dil na jhalak saka to main kya karun

    mere aks ki to KHata na thi tere aaine pe ghubar tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY