wo sard fasla bas aaj kaTne wala tha

Kaifi Wijdani

wo sard fasla bas aaj kaTne wala tha

Kaifi Wijdani

MORE BY Kaifi Wijdani

    vo sard fāsla bas aaj kaTne vaalā thā

    maiñ ik charāġh lau se lipaTne vaalā thā

    bahut bikherā mujhe mire mehrbānoñ ne

    mirā vajūd lekin simaTne vaalā thā

    bachā liyā tirī ḳhushbū ke farq ne varna

    maiñ tere vahm meñ tujh se lipaTne vaalā thā

    usī ko chūmtā rahtā thā vo ki us ko bhī

    aziiz thā vahī baazū jo kaTne vaalā thā

    mujhī ko raah badalnī thī so badal Daalī

    kahīñ pahāḌ bhī Thokar se ha.Tne vaalā thā

    talāsh jis thī vo harf mil gayā varna

    maiñ ek saada varaq aur ulaTne vaalā thā

    ye kis ko tiir chalāne shauq jaag uThā

    vo baaz merī taraf jhapaTne vaalā thā

    wo sard fasla bas aaj kaTne wala tha

    main ek charagh ki lau se lipaTne wala tha

    bahut bikhera mujhe mere mehrbanon ne

    mera wajud hi lekin simaTne wala tha

    bacha liya teri KHushbu ke farq ne warna

    main tere wahm mein tujh se lipaTne wala tha

    usi ko chumta rahta tha wo ki us ko bhi

    aziz tha wahi bazu jo kaTne wala tha

    mujhi ko rah badalni thi so badal Dali

    kahin pahaD bhi Thokar se haTne wala tha

    talash jis ki thi wo harf mil gaya warna

    main ek sada waraq aur ulaTne wala tha

    ye kis ko tir chalane ka shauq jag uTha

    wo baz meri taraf hi jhapaTne wala tha

    Source:

    • Book: ras-Rang(Mehfil-e-Adab) (Pg. 7)
    • Edition: 2001
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites