aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye ajab saat-e-ruKHsat hai ki Dar lagta hai

Abbas Tabish

ye ajab saat-e-ruKHsat hai ki Dar lagta hai

Abbas Tabish

MORE BYAbbas Tabish

    ye ajab sā.at-e-ruḳhsat hai ki Dar lagtā hai

    shahr shahr mujhe raḳht-e-safar lagtā hai

    raat ko ghar se nikalte hue Dar lagtā hai

    chāñd dīvār pe rakkhā huā sar lagtā hai

    ham ko dil ne nahīñ hālāt ne nazdīk kiyā

    dhuup meñ duur se har shaḳhs shajar lagtā hai

    jis pe chalte hue sochā thā ki lauT ā.ūñgā

    ab vo rasta bhī mujhe shahr-badar lagtā hai

    mujh se to dil bhī mohabbat meñ nahīñ ḳharch huā

    tum to kahte the ki is kaam meñ ghar lagtā hai

    vaqt lafzoñ se banā.ī huī chādar jaisā

    oḌh letā huuñ to sab ḳhvāb hunar lagtā hai

    is zamāne meñ to itnā bhī ġhanīmat hai miyāñ

    koī bāhar se bhī darvesh agar lagtā hai

    apne shajre ki vo tasdīq karā.e kar

    jis ko zanjīr pahante hue Dar lagtā hai

    ek muddat se mirī maañ nahīñ soī 'tābish'

    maiñ ne ik baar kahā thā mujhe Dar lagtā hai

    ye ajab saat-e-ruKHsat hai ki Dar lagta hai

    shahr ka shahr mujhe raKHt-e-safar lagta hai

    raat ko ghar se nikalte hue Dar lagta hai

    chand diwar pe rakkha hua sar lagta hai

    hum ko dil ne nahin haalat ne nazdik kiya

    dhup mein dur se har shaKHs shajar lagta hai

    jis pe chalte hue socha tha ki lauT aaunga

    ab wo rasta bhi mujhe shahr-badar lagta hai

    mujh se to dil bhi mohabbat mein nahin KHarch hua

    tum to kahte the ki is kaam mein ghar lagta hai

    waqt lafzon se banai hui chadar jaisa

    oDh leta hun to sab KHwab hunar lagta hai

    is zamane mein to itna bhi ghanimat hai miyan

    koi bahar se bhi darwesh agar lagta hai

    apne shajre ki wo tasdiq karae ja kar

    jis ko zanjir pahante hue Dar lagta hai

    ek muddat se meri man nahin soi 'tabish'

    main ne ek bar kaha tha mujhe Dar lagta hai

    Source:

    Ishq Abaad (kulliyat) (Pg. 207)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now