zaKHm ab tak wahi sine mein liye phirta hun

Imran Aami

zaKHm ab tak wahi sine mein liye phirta hun

Imran Aami

MORE BYImran Aami

    zaḳhm ab tak vahī siine meñ liye phirtā huuñ

    kuufe vāloñ ko madīne meñ liye phirtā huuñ

    jaane kab kis zarūrat mujhe paḌ jaa.e kahāñ

    aag aur ḳhaak safīne meñ liye phirtā huuñ

    ret tarah phisalte haiñ mirī āñkhoñ se

    ḳhvāb aise bhī ḳhazīne meñ liye phirtā huuñ

    ek nākām mohabbat mirā sarmāya hai

    aur kyā ḳhaak dafīne meñ liye phirtā huuñ

    dil pe likkhā hai kisī aur parī-zād naam

    naqsh ik aur nagīne meñ liye phirtā huuñ

    is liye sab se alag hai mirī ḳhushbū 'āmī'

    mushk-e-mazdūr pasīne meñ liye phirtā huuñ

    zaKHm ab tak wahi sine mein liye phirta hun

    kufe walon ko madine mein liye phirta hun

    jaane kab kis ki zarurat mujhe paD jae kahan

    aag aur KHak safine mein liye phirta hun

    ret ki tarah phisalte hain meri aankhon se

    KHwab aise bhi KHazine mein liye phirta hun

    ek nakaam mohabbat mera sarmaya hai

    aur kya KHak dafine mein liye phirta hun

    dil pe likkha hai kisi aur pari-zad ka nam

    naqsh ek aur nagine mein liye phirta hun

    is liye sab se alag hai meri KHushbu 'ami'

    mushk-e-mazdur pasine mein liye phirta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY