برصغیر ہندو پاك كے عظیم ترین علما میں شمار شاہ ولی اللہ محدث دہلوی كی سیرت و تصانیف ہر مسلمان كے یہاں قدر كی نگاہوں سے دیكھی جاتی ہیں۔وہ بلاشبہ اٹھارہویں صدی كےمجدد تھے۔آپ نے متعدد كتابیں اور رسالے لكھے۔ "انفاس العارفین"میں بزرگان دین كے احوال بیان كیے گئے ہیں۔بالخصوص اپنے والد ماجد كی سوانح حیات ،انبیاء سابقین علیہم السلام سے فیوض و بركات حاصل ہونے كا تذكرہ،اولیا اللہ كی تلاش میں گھومنا عشق خداوندی اور اشتیاق معرفت یزدی كا نشان ہے۔اس كے علاوہ بزرگان دین كا طالبان حق كو اپنے فیوض و بركات عطا كرنا،ریاضت اور مجاہدہ كی تعلیم دینا،عالم برزخ میں اولیا كرام كی مجالس مباركہ منعقد ہونا وغیرہ كی تفصیلات كتاب ہذا میں موجود ہیں جس سے اولیاءكرام كا بلند و اعلیٰ مرتبہ واضح ہوتا ہے۔كتاب كا مطالعہ ان باتوں كی تصدیق كرتا ہے كہ اولیاء اللہ كا روحانی تصرف برحق اوراولیاء اللہ اپنی قبور میں زندہ ہیں اور وہ دنیا والوں كو ندا دیتے ہیں اور انھیں علم كاادراك بھی ہے۔