۱۸۵۷ءکی ناکام جنگِ آزادی سے متاثر ہوکر ہندوستان کی تباہ حالی،بربادی اور بےبسی پر مختلف شاعروں نے بڑی تعداد میں اشعار نظمیں اورمرثیے کہے ہیں،زیرنظر کتاب بھی اسی کی ایک اہم کڑی ہے،جو پاکستان کے نامورشاعر ناصرکاظمی اور مشہور کالم نویس انتظار حسین کی ادارت میں شائع ہوئی،دراصل یہ کتاب رسالہ"خیال"کا "اٹھارہ سو ستاون" نمبرہے،ناصرکاظمی اور اور انتظارحسین کی ادارت میں شائع ہونے والے اس رسالے میں اٹھارہ سو ستاون میں پیش آئےقیامت خیز واقعوں کی روداد ہے،خیال کے اس نمبر میں اٹھارہ سو ستاون کے تاریخی خدو خال کو پیش کیا گیا ہے،اس نمبرمیں اردو ادب کے مایہ نازاور قدآور شخصیات کے اہم مضامین کو شامل کیا گیاہے، مثلا فراق گورکھپوری،عبادت بریلوی،احمد ندیم قاسمی،محمد حسن عسکری جیسے مایہ ناز شخصیات کے نظریات کو پیش کیا گیا ہے،اس کے علاوہ اٹھارہ سو ستاون کا پس منظرآنکھوں دیکھا حال،شہر شہرسود وزیاں،جنگ آزادی اور ادب،نظم ونثر وغیرہ جیسے عناوین قائم کرکے اہم مواد پیش کیا گیا ہے۔