اصغر مہدی اشعر 12 اکتوبر 1973ء کو کراچی میں پیدا ہوئے ۔ حبیب پبلک اسکول سے میٹرک کیا اور انجینئیرنگ کی،اعلی تعلیم کے لیے کینیڈا چلے گئے اور دو دہائی سے وہیں مقیم ہیں ۔

اصغر مہدی اشعر نے 14 برس کی عمر سے تحت اللفظ مرثیہ پڑھنے کی ابتدا کی۔اساتذہ کی رہنمائی اور حوصلہ افزائی نے ان کو اس فن میں مزید نکھارا اور اب تک ان کی وڈیو سئ ڈیز کےپانچ والیمز مارکیٹ میں آ چکے ہیں۔تاہم رثائی ادب کے سلسلے میں ان کا شغف محض تحت خوانی تک محدود نہیں رہا بلکہ اپنے سلسلہِ روزگار کی مصروفیات کے ساتھ ساتھ انہوں نے رثائی ادب کے فروغ کے لیے عملی طور پر حسبِ ذیل اہم خدمات انجام دی ہیں ۔

فروغِ مرثیہ انٹرنیشنل ، کینیڈا کے بانی و سربراہ ہونے کی حیثیت سے اصغر مہدی اشعر نے میڈیا اور سوشل میڈیا کو بروئے کار لا کر پچھلےپانچ برس میں رثائی ادب کے حوالے سے بہت جامع خدمات انجام دی ہیں۔جس کے تحت ویب سائیٹ کا اجرا اور تحقیق و تنقید کے پروگرامز اور کتب کا ہر ممکن ابلاغ کیا گیا ۔

اصغر مہدی اشعر کی دیگر رثائی خدمات میں قائم ٹی وی کینیڈا اور حیدر ٹی وی کینیڈا پراردو مرثیے پر تنقید و مباحث کے پروگرامز کا اہتمام ، تحت اللفط مرثیہ خوانی کے سلسلے میں آڈیوز وڈیوز کا اجرا بھی شامل ہے ۔

اردو مرثیے سے متعلق اصغر مہدی اشعر کی اب تک تین کتب بھی شائع ہو چکی ہیں جب کہ اشعر سہ ماہی رسالے "فروغ مرثیہ" کے ایڈیٹر بھی ہیں جو کہ الہ آباد اور کراچی سے شائع ہوتا ہے – اصغر مہدی اشعر کی اب تک شائع شدہ کتب کی فہرست درج ذیل ہے

فروغ مرثیہ – ایک نئے عزم کی ابتدا

 فرہنگ انیس