مطالعہ ولی

شارب ردولوی

نصرت پبلیشرز، لکھنؤ
1972 | مزید

کتاب: تعارف

تعارف

زیر نظر کتاب ایک ایسی اہم کتاب ہے جو تاریخ ساز شاعر" ولی " کے ادبی کمالات کو اجاگر کرتی ہے ۔ مصنف نے کتب خانوں کے سمندر میں غوطہ لگا کر ولی کی زندگی پر معلومات کا خزانہ اپنی اس کتاب میں محفوظ کردیا ہے۔ کتاب میں ولی کی زندگی سے متعلق کئی اختلافی مسئلے کو بھی محققانہ انداز سے پیش کیا گیا ہے۔ ان کے اورنگ آبادی یا گجراتی ہونے ،اسی طرح ان کی دہلی آمد، ان کی تعلیم، سند پیدائش اور ان کی زندگی سے متعلق بہت سی باتوں کا حل پیش کیا گیا ہے۔ ولی کے کلام کے محاسن کو ذہن سے قریب تر کرنے کی غرض سے مصنف نے ولی کے عہد اور اس سے کچھ پہلے کے دکن کے سماجی ، تہذیبی و تاریخی پس منظر پر بھی روشنی ڈالی ہے۔ ولی کے کلام پر تصوف کا بہت گہرا اثر تھا لہٰذا اس کتاب میں ان کے صوفیانہ شاعری کا نمونہ بھی نظر آتا ہے۔ کتاب کے مطالعہ سے قاری کو اس دور کی سماجی صورت حال اور ادبی ماحول کا بخوبی اندازہ ہوگا۔

.....مزید پڑھئے

مصنف: تعارف

شارب ردولوی

شارب ردولوی

شارب ردولوی ایک اہم ترین نقاد اور شاعر کی حیثیت سے معروف ہیں۔ ان کی پیدائش ردولی کے ایک زمیندار اور پڑھے لکھے گھرانے میں ہوئی۔ ان کے والد اور دادا کا شمار فارسی اور عربی کے بڑے عالموں میں ہوتا تھا۔ شارب ردولوی نے لکھنؤ یونیورسٹی سے اردو ادبیات کی اعلی تعلیم حاصل کی۔ پروفیسر سید احتشام حیسن کی نگرانی میں اپنا تحقیقی مقالہ ’ جدید اردو ادبی تنقید کے اصول ‘ کے موضوع پر لکھا۔ شارب ردولوی کے اس مقالے کا شمار اہم ترین تنقیدی کتابوں میں کیا جاتا ہے۔ 
شارب ردولوی نے دہلی یونیورسٹی کے دیال سنگھ کالج میں اردو کے استاد کی حیثیت سے اپنی عملی زندگی کا آغاز کیا۔ 1990 میں جواہر لال نہرو یونیورسٹی کے شعبۂ اردو میں بحیثیت ریڈر ان کا تقرر ہوا اور 2000 میں یہیں سے سبکدوش ہوئے۔ 
شارب ردولوی کے ادبی سفر کا آغاز شعر گوئی سے ہوا تھا ، انہوں نے بہت اچھی غزلیں کہیں لیکن دھیرے تنقید نگاری نے ان کی تخلیقی کارگزاریوں کو کم سے کم کردیا۔ شارب ردولوی کی کتابوں کے نام درج ذیل ہیں۔ 
’مراثیٔ انیس میں ڈرامائی عناصر‘  ’گل صد رنگ‘ ’جگر فن اور شخصیت‘ ’افکار سودا‘ ’مطالعہ ولی‘ ’تنقیدی مطالعے‘ ’انتخاب غزلیات سودا‘ ’اردو مرثیہ‘ ’معاصر اردو تنقید: مسائل ومیلانات‘ ’تنقیدی مباحث‘۔ 

.....مزید پڑھئے

مصنف کی مزید کتابیں

مزید

مقبول و معروف

مزید

کتابوں کی تلاش بہ اعتبار

کتابیں : بہ اعتبار موضوع

شاعری کی کتابیں

رسالے

کتاب فہرست

مصنفین کی فہرست

یونیورسٹی اردو نصاب