پا کستا ن دو قومی نظریوں کی بنیاد پر عمل میں آیا ۔ تقسیم گر چہ سیا سی اتفاق رائے کا نتیجہ تھی۔ لیکن دونوں ملکوں میں انتہائی ہو لناک فرقہ وارانہ فسادات چھڑ گئے ۔پا کستان جب معر ضِ وجود میں آیا تو آغاز ہی میں کئی مشکلات کی زد میں رہا ۔ پہلی بات یہ کہ انگر یزوں نے پاک بھارت سرحدوں کی ایسی تقسیم کی کہ یہاں امن قائم ہو نے کے دور دور تک آثار نظر نہیں آئے ۔ کبھی مسئلہ کشمیر اور کبھی پا نی کی تقسیم کا مسئلہ سر اٹھا نے لگا ۔ انڈیا میں پا رلیمانی نظام تو بن گیا لیکن پا کستان میں نہیں بن سکا ۔ کئی سال تک دستور نہ بن سکا اور جب بن گیا تو جمہوریت ملو کیت میں بدل گئی۔ تعلیم میں ہندوستان سے بہت پیچھے رہ گیا ۔ یہاں مستحکم نظامِ حکو مت قائم نہیں رہ سکا دوسرے معنوں میں اس کو مستحکم ہو نے اور اپنے پاؤں پر کھڑا ہو نے کا موقع ہی نہیں دیا گیا ،جس کی سب سے بڑی وجہ آئے دن حکو مت میں تبدیلیاں ہوتی رہیں تھیں ۔زیر نظر کتاب سری پرکاش کی تصنیف ہے ،اس کتاب میں انھوں نے پاکستان کے قیام سے لیکر اس کے ابتدائی حالات کو بیان کیاہے، اس کے علاوہ تقسیم کے وقت جو مسلمان پاکستان نہیں جا سکے یا جو ہندو سندھ میں مصائب برداشت کر رہے تھے ان کا تذکرہ دلائل کے ساتھ پیش کیا ہے، اس کے علاوہ مسٹر جناح کی گورنری، مسٹر جناح اور گاندھی جی کا انتقال اور دونوں ممالک پر اس کے اثرات وغیرہ کا ذکر کیا ہے۔یہ کتاب اس سے قبل انگریزی اور ہندی میں شائع ہو چکی تھی بعد میں اس کا اردو ترجمہ محمد حمایت الحسن نے کیا جوکہ قارئین کے سامنے ہے۔