مصنف : فاطمہ حسن

ناشر : شہرزاد، کراچی

سن اشاعت : 2000

زبان : Urdu

موضوعات : افسانہ

صفحات : 93

معاون : زہرا قادری

کہانیاں گم ہو جاتی ہیں

کتاب: تعارف

فاطمہ حسن کا نام اردو ادب میں نسائی شعور کی تحریک کو فروغ دینے والی خواتین میں نمایاں ہے۔ ان کی کہانیاں نسائی احساسات و جذبات کی ترجماں ہیں۔ فاطمہ حسن نے نسائی مسائل اور نسائیت سے جڑے اہم موضوعات کو منفرد اسلوب میں پیش کیا ہے۔ فاطمہ حسن کی کہانیوں کا مجموعہ "کہانیاں گم ہوجاتی ہیں" پیش نظر ہے۔ یہ کہانیاں قاری کی سوچ و فکر کو وسیع کرتی ہیں۔ ان کہانیوں سے متعلق ضمیر علی بدایونی لکھتے ہیں۔ "ان کہانیوں میں فاطمہ نے اپنے خوابوں کو کاغذ پر اتارنے کی کوشش کی ہے۔ ان کہانیوں میں احساس کی گہرائی، جذبے کی شدت، تاریخ کا شعور اورتکنیک کی تازہ کاری موجود ہے۔ ان کہانیوں کا ایک سرا اجتماعی شعور سے ملا ہوا ہے تو دوسرا سرا اس تحریک سے جڑا ہوا ہے جو عورت کی انسانی صورت حال human condition کو ایک بہتر ماحول فراہم کرنے کے لیے چلائی گئی ہے۔ تاریخی طور پر اس تحریک کو مختلف شخصیتیں توانائی اور خون تازہ فراہم کرتی رہیں ۔"

.....مزید پڑھئے

مصنف: تعارف

نام سیدہ انیس فاطمہ،ڈاکٹر اور تخلص فاطمہ ہے۔۲۵؍جنوری۱۹۵۳ء کوکراچی میں پیدا ہوئیں۔ان کے آباؤ اجداد کا وطن غازی پور(بھارت) تھا۔ سات برس کی عمر میں اپنے والدین کے ہمراہ ڈھاکا چلی گئیں اور وہیں تعلیم حاصل کی۔۱۹۷۱ء میں ڈھاکا یونیورسٹی میں آنرز کی طالبہ تھیں کہ سقوط ڈھاکا کا سانحہ پیش آیا۔ ۱۹۷۳ء میں بھارت اور نیپال سے ہوتی ہوئی کراچی پہنچیں۔ یہاں آکر جامعہ کراچی سے صحافت میں ایم اے کیا اور ۱۹۷۷ء میں محکمۂ اطلاعات سندھ گورنمنٹ کے شعبۂ اشاعت سے وابستہ ہوئیں۔ پھرسوشل سیکیورٹی انسٹی ٹیوشن میں ڈپٹی ڈائرکٹر کی حیثیت سے تقرر ہوا۔ ترقی کرکے اس ادارے میں ڈائرکٹر ،تعلقات عامہ ترتیب وتحقیق کے عہدے پر فائز رہیں۔ فاطمہ حسن شاعری کے علاوہ افسانے بھی لکھتی ہیں۔ ماہ نامہ’’اظہار ‘‘کی نائب مدیرہ رہ چکی ہیں۔ ا ن کی تصانیف کے نام یہ ہیں:’’بہتے ہوئے پھول‘‘، ’’دستک سے درکا فاصلہ‘‘(شعری مجموعے)،’’کہانیاں گم ہوجاتی ہیں‘‘(افسانے)، ’’یادیں بھی اب خواب ہوئیں‘‘(شعری مجموعہ)، ان تینوں شعری مجموعوں کو ملا کر ایک مجموعہ ’’یاد کی بارشیں‘‘کے نام سے منظر عام پر آیا ہے۔ ’زاہدہ خاتون شیروانیہ‘ پر تحقیقی مقالہ لکھ کر ڈاکٹریٹ کی ڈگری لی۔ بحوالۂ:پیمانۂ غزل(جلد دوم)،محمد شمس الحق،صفحہ:415

.....مزید پڑھئے

مصنف کی مزید کتابیں

مصنف کی دیگر کتابیں یہاں پڑھئے۔

مزید

قارئین کی پسند

اگر آپ دوسرے قارئین کی دلچسپیوں میں تجسس رکھتے ہیں، تو ریختہ کے قارئین کی پسندیدہ

مزید

مقبول و معروف

مقبول و معروف اور مروج کتابیں یہاں تلاش کریں

مزید