محمد خالد اختر پاکستان سے تعلق رکھنے والے اردو کے نامور مزاح نگار، ناول نگار، افسانہ نگار، سفرنامہ نگار اور مترجم تھے جو اپنے ناول چاکیواڑہ میں وصال کی وجہ سے شہرت رکھتے ہیں۔ زیر نظر کتاب "ریت پر لکیریں" خالد اختر کے خاکوں ، مضامین، تبصرے اور پیروڈیوں پر مشتمل ہے، "زیر نظر انتخاب میں شامل ان کی تحریریں در اصل ایک پر شوق پڑھنے والے کی یادداشتوں کا لطف رکھتی ہیں جس کے لیے اس کی محبوب کتابوں کے بہت سے کردار اسی طرح، بلکہ اس سے زیادہ حقیقی ہوتے ہیں جس طرح وہ لوگ جن سے زندگی کے عمل میں اس کی ملاقات ہوئی ہو،کسی نئی عمدہ کتاب کو دریافت کرنا ان کے لیے بالکل ایسا تھا جیسے کوئی نیا من موہنا دوست بنانا۔اس ذاتی تعلق کی گہرائی ہی نے کتابوں اور لکھنے والوں کے بارے میں ان کی تحریروں میں،جنھیں زیر نظر کتاب میں جمع کیا گیا ہے۔اس انتخاب میں شفیق الرحمن، منٹو،کرشن چندر،احمد ندیم قاسمی،اسٹیونسن اور فیض کے بارے میں مضامین، 36 تبصرے ، اور شفیق الرحمن، انتظار حسین، قرۃ العین ، حیدر ، الطاف حسن قریشی، عزیز احمد ، ممتاز مفتی اور نسیم حجازی کی تحریروں کی پیروڈیاں شامل ہیں۔