یاد میں تیری دو عالم کو بھلانا ہے ہمیں

عمر بھر اب کہیں آنا ہے نہ جانا ہے ہمیں

طائر خستہ بال کو دام بھی کنج آشیاں

مرغ چمن نورد کو گوشۂ آشیاں بھی دام

اب بھی خدا پرست ہے دیر و حرم کی قید میں

ہائے نگاہ نارسا ہائے مذاق ناتمام

کہتے ہیں عشق کا انجام برا ہوتا ہے

اب تو کچھ بھی ہو محبت کا نبھانا ہے ہمیں

خوبی و شان دلبری غمزہ و ناز ہی نہیں

حسن میں وہ ادا بھی ہے جس کا نہیں ہے کوئی کام

خلش عشق سے بچپن ہے دل ایک طرف

اس پہ یارب غم ہستی بھی اٹھانا ہے ہمیں