in ujle mahlon ke tale

in ujle mahloñ ke tale

ham gandī galiyoñ meñ pale

sau sau bojhe man pe liye

mail aur maaTī tan pe liye

dukh sahte ġham khāte rahe

phir bhī hañste gaate rahe

ham dīpak tūfāñ meñ jale

ham gandī galiyoñ meñ pale

duniyā ne Thukrāyā hameñ

rastoñ ne apnāyā hameñ

saḌkeñ ghar saḌkeñ hī chitā

kyuuñ aa.e kyā kar ke chale

ham gandī galiyoñ meñ pale

dil meñ khaTkā kuchh bhī nahīñ

ham ko parvā kuchh bhī nahīñ

chāho to nākāra kaho

chāho to āvāra kaho

ham hī bure tum sab ho bhale

ham gandī galiyoñ meñ pale

in ujle mahlon ke tale

hum gandi galiyon mein pale

sau sau bojhe man pe liye

mail aur maTi tan pe liye

dukh sahte gham khate rahe

phir bhi hanste gate rahe

hum dipak tufan mein jale

hum gandi galiyon mein pale

duniya ne Thukraya hamein

raston ne apnaya hamein

saDken ghar saDken hi chita

kyun aae kya kar ke chale

hum gandi galiyon mein pale

dil mein khaTka kuchh bhi nahin

hum ko parwa kuchh bhi nahin

chaho to nakara kaho

chaho to aawara kaho

hum hi bure tum sab ho bhale

hum gandi galiyon mein pale