kahan hai mera hindostan

Ajmal Sultanpuri

kahan hai mera hindostan

Ajmal Sultanpuri

MORE BY Ajmal Sultanpuri

    musalmāñ aur hindū jaan

    kahāñ hai merā hindostān

    maiñ us ko DhūñDh rahā huuñ

    mire bachpan hindostān

    na bañgladesh na pākistān

    mirī aashā mirā armān

    vo puurā puurā hindostān

    maiñ us ko DhūñDh rahā huuñ

    vo merā bachpan vo schōl

    vo kachchī saḌkeñ uḌtī dhuul

    lahakte baaġh mahakte phuul

    vo mere khet mire khaliyān

    maiñ us ko DhūñDh rahā huuñ

    vo urdu ġhazleñ hindī giit

    kahīñ vo pyaar kahīñ vo priit

    pahāḌī jharnoñ ke sañgīt

    dehātī lahrā purbī taan

    maiñ us ko DhūñDh rahā huuñ

    jahāñ ke krishn jahāñ ke raam

    jahāñ shaam salonī shaam

    jahāñ sub.h banaras dhaam

    jahāñ bhagvān kareñ ashnān

    maiñ us ko DhūñDh rahā huuñ

    jahāñ the 'tulsī' aur 'kabīr'

    'jāysī' jaise piir faqīr

    jahāñ the 'momin' 'ġhālib' 'mīr'

    jahāñ the 'rahman' aur 'rasḳhān'

    maiñ us ko DhūñDh rahā huuñ

    vo mere purkhoñ jāgīr

    karachi lahore o kashmīr

    vo bilkul sher tasvīr

    vo puurā puurā hindostān

    maiñ us ko DhūñDh rahā huuñ

    jahāñ paak pavitra zamīn

    jahāñ miTTī ḳhuld-nashīn

    jahāñ mahrāj 'moīnuddīn'

    ġharīb-navāz hind sultān

    maiñ us ko DhūñDh rahā huuñ

    mujhe hai vo leader taslīm

    jo de yak-jehtī ta.alīm

    miTā kar kumboñ taqsīm

    jo kar de har qālib ik jaan

    maiñ us ko DhūñDh rahā huuñ

    ye bhūkā shā.ir pyāsā kavī

    sisaktā chāñd sulagtā ravī

    ho jis mudrā meñ aisī chhavī

    karā de 'ajmal' ko jalpān

    maiñ us ko DhūñDh rahā huuñ

    musalmāñ aur hindū jaan

    kahāñ hai merā hindostān

    maiñ us ko DhūñDh rahā huuñ

    musalman aur hindu ki jaan

    kahan hai mera hindostan

    main us ko DhunDh raha hun

    mere bachpan ka hindostan

    na bangladesh na pakistan

    meri aasha mera arman

    wo pura pura hindostan

    main us ko DhunDh raha hun

    wo mera bachpan wo school

    wo kachchi saDken uDti dhul

    lahakte bagh mahakte phul

    wo mere khet mere khaliyan

    main us ko DhunDh raha hun

    wo urdu ghazlen hindi git

    kahin wo pyar kahin wo prit

    pahaDi jharnon ke sangit

    dehati lahra purbi tan

    main us ko DhunDh raha hun

    jahan ke krishn jahan ke ram

    jahan ki sham saloni sham

    jahan ki subh banaras dham

    jahan bhagwan karen ashnan

    main us ko DhunDh raha hun

    jahan the 'tulsi' aur 'kabir'

    'jaysi' jaise pir faqir

    jahan the 'momin' 'ghaalib' 'mir'

    jahan the 'rahman' aur 'rasKHan'

    main us ko DhunDh raha hun

    wo mere purkhon ki jagir

    karachi lahore o kashmir

    wo bilkul sher ki si taswir

    wo pura pura hindostan

    main us ko DhunDh raha hun

    jahan ki pak pawitra zamin

    jahan ki miTTi KHuld-nashin

    jahan mahraj 'moinuddin'

    gharib-nawaz hind sultan

    main us ko DhunDh raha hun

    mujhe hai wo leader taslim

    jo de yak-jehti ki talim

    miTa kar kumbon ki taqsim

    jo kar de har qalib ek jaan

    main us ko DhunDh raha hun

    ye bhuka shair pyasa kawi

    sisakta chand sulagta rawi

    ho jis mudra mein aisi chhawi

    kara de 'ajmal' ko jalpan

    main us ko DhunDh raha hun

    musalman aur hindu ki jaan

    kahan hai mera hindostan

    main us ko DhunDh raha hun

    Videos
    This video is playing from YouTube

    Videos
    This video is playing from YouTube

    Ajmal Sultanpuri

    Ajmal Sultanpuri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY