KHuda kare ki mohabbat mein ye maqam aae

ḳhudā kare ki mohabbat meñ ye maqām aa.e

kisī kā naam luuñ lab pe tumhārā naam aa.e

kuchh is tarah se jiye zindagī basar na huī

tumhāre baa'd kisī raat kī sahar na huī

sahar nazar se mile zulf le ke shaam aa.e

ḳhud apne ghar meñ vo mehmān ban ke aa.e haiñ

sitam to ye hai ki anjām ban ke aa.e haiñ

hamāre dil kī taḌap aaj kuchh to kaam aa.e

vahī hai saaz vahī giit hai vahī manzar

har ek chiiz vahī hai nahīñ ho tum vo magar

usī tarah se nigāheñ uTheñ salām aa.e

KHuda kare ki mohabbat mein ye maqam aae

kisi ka nam lun lab pe tumhaara nam aae

kuchh is tarah se jiye zindagi basar na hui

tumhaare ba'd kisi raat ki sahar na hui

sahar nazar se mile zulf le ke sham aae

KHud apne ghar mein wo mehman ban ke aae hain

sitam to ye hai ki anjam ban ke aae hain

hamare dil ki taDap aaj kuchh to kaam aae

wahi hai saz wahi git hai wahi manzar

har ek chiz wahi hai nahin ho tum wo magar

usi tarah se nigahen uThen salam aae