rang aur nur ki baraat kise pesh karun

rang aur nuur kī bārāt kise pesh karūñ

ye murādoñ kī hasīñ raat kise pesh karūñ

maiñ ne jazbāt nibhā.e haiñ usūloñ kī jagah

apne armān piro laayā huuñ phūloñ kī jagah

tere sehre kī ye sauġhāt kise pesh karūñ

ye mere sher mire āḳhirī nazrāne haiñ

maiñ un apnoñ meñ huuñ jo aaj se begāne haiñ

be-ta.alluq sī mulāqāt kise pesh karūñ

surḳh joḌe kī tab-o-tāb mubārak ho tujhe

terī āñkhoñ kā nayā ḳhvāb mubārak ho tujhe

maiñ ye ḳhvāhish ye ḳhayālāt kise pesh karūñ

kaun kahtā hai ki chāhat pe sabhī kā haq hai

tū jise chāhe tirā pyaar usī kā haq hai

mujh se kah de maiñ tirā haat kise pesh karūñ

rang aur nur ki baraat kise pesh karun

ye muradon ki hasin raat kise pesh karun

main ne jazbaat nibhae hain usulon ki jagah

apne arman piro laya hun phulon ki jagah

tere sehre ki ye saughat kise pesh karun

ye mere sher mere aaKHiri nazrane hain

main un apnon mein hun jo aaj se begane hain

be-talluq si mulaqat kise pesh karun

surKH joDe ki tab-o-tab mubarak ho tujhe

teri aankhon ka naya KHwab mubarak ho tujhe

main ye KHwahish ye KHayalat kise pesh karun

kaun kahta hai ki chahat pe sabhi ka haq hai

tu jise chahe tera pyar usi ka haq hai

mujh se kah de main tera hat kise pesh karun