jala ke mishal-e-jaan hum junun-sifat chale

Majrooh Sultanpuri

jala ke mishal-e-jaan hum junun-sifat chale

Majrooh Sultanpuri

MORE BY Majrooh Sultanpuri

    jalā ke mish.al-e-jāñ ham junūñ-sifāt chale

    jo ghar ko aag lagā.e hamāre saath chale

    dayār-e-shām nahīñ manzil-e-sahar bhī nahīñ

    ajab nagar hai yahāñ din chale na raat chale

    hamāre lab na sahī vo dahān-e-zaḳhm sahī

    vahīñ pahuñchtī hai yaaro kahīñ se baat chale

    sutūn-e-dār pe rakhte chalo saroñ ke charāġh

    jahāñ talak ye sitam siyāh raat chale

    huā asiir koī ham-navā to duur talak

    ba-pās-e-tarz-e-navā ham bhī saath saath chale

    bachā ke laa.e ham ai yaar phir bhī naqd-e-vafā

    agarche luTte rahe rahzanoñ ke haath chale

    phir aa.ī fasl ki mānind barg-e-āvāra

    hamāre naam guloñ ke murāslāt chale

    qatār-e-shisha hai kārvān-e-ham-safarāñ

    ḳhirām-e-jām hai jaise kā.enāt chale

    bulā baiThe jab ahl-e-haram to ai 'majrūh'

    baġhal meñ ham bhī liye ik sanam haath chale

    jala ke mishal-e-jaan hum junun-sifat chale

    jo ghar ko aag lagae hamare sath chale

    dayar-e-sham nahin manzil-e-sahar bhi nahin

    ajab nagar hai yahan din chale na raat chale

    hamare lab na sahi wo dahan-e-zaKHm sahi

    wahin pahunchti hai yaro kahin se baat chale

    sutun-e-dar pe rakhte chalo saron ke charagh

    jahan talak ye sitam ki siyah raat chale

    hua asir koi ham-nawa to dur talak

    ba-pas-e-tarz-e-nawa hum bhi sath sath chale

    bacha ke lae hum ai yar phir bhi naqd-e-wafa

    agarche luTte rahe rahzanon ke hath chale

    phir aai fasl ki manind barg-e-awara

    hamare nam gulon ke muraslat chale

    qatar-e-shisha hai ya karwan-e-ham-safaran

    KHiram-e-jam hai ya jaise kaenat chale

    bula hi baiThe jab ahl-e-haram to ai 'majruh'

    baghal mein hum bhi liye ek sanam ka hath chale

    Videos
    This video is playing from YouTube

    Videos
    This video is playing from YouTube

    Majrooh Sultanpuri

    Majrooh Sultanpuri

    RECITATIONS

    Nomaan Shauque

    Nomaan Shauque

    Majrooh Sultanpuri

    Majrooh Sultanpuri

    Majrooh Sultanpuri

    Majrooh Sultanpuri

    Nomaan Shauque

    jala ke mishal-e-jaan hum junun-sifat chale Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites