dur se aae the saqi sun ke mai-KHane ko hum

Nazeer Akbarabadi

dur se aae the saqi sun ke mai-KHane ko hum

Nazeer Akbarabadi

MORE BY Nazeer Akbarabadi

    duur se aa.e the saaqī sun ke mai-ḳhāne ko ham

    bas taraste chale afsos paimāne ko ham

    mai bhī hai miinā bhī hai sāġhar bhī hai saaqī nahīñ

    dil meñ aatā hai lagā deñ aag mai-ḳhāne ko ham

    kyuuñ nahīñ letā hamārī ḳhabar ai be-ḳhabar

    kyā tire āshiq hue the dard-o-ġham khāne ko ham

    ham ko phañsnā thā qafas meñ kyā gila sayyād

    bas taraste rahe haiñ aab aur daane ko ham

    tāq-e-abrū meñ sanam ke kyā ḳhudā.ī rah ga.ī

    ab to pūjeñge usī kāfir ke but-ḳhāne ko ham

    baaġh meñ lagtā nahīñ sahrā se ghabrātā hai dil

    ab kahāñ le ke baiTheñ aise dīvāne ko ham

    kyā huī taqsīr ham se batā de ai 'nazīr'

    taaki shādī-marg samjheñ aise mar jaane ko ham

    dur se aae the saqi sun ke mai-KHane ko hum

    bas taraste hi chale afsos paimane ko hum

    mai bhi hai mina bhi hai saghar bhi hai saqi nahin

    dil mein aata hai laga den aag mai-KHane ko hum

    kyun nahin leta hamari tu KHabar ai be-KHabar

    kya tere aashiq hue the dard-o-gham khane ko hum

    hum ko phansna tha qafas mein kya gila sayyaad ka

    bas taraste hi rahe hain aab aur dane ko hum

    taq-e-abru mein sanam ke kya KHudai rah gai

    ab to pujenge usi kafir ke but-KHane ko hum

    bagh mein lagta nahin sahra se ghabraata hai dil

    ab kahan le ja ke baiThen aise diwane ko hum

    kya hui taqsir hum se tu bata de ai 'nazir'

    taki shadi-marg samjhen aise mar jaane ko hum

    Videos
    This video is playing from YouTube

    Videos
    This video is playing from YouTube

    Nirmala Devi

    Nirmala Devi

    Mohammad Rafi

    Mohammad Rafi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites