azmat-e-fikr ke andaz ayan bhi honge

Sadique Naseem

azmat-e-fikr ke andaz ayan bhi honge

Sadique Naseem

MORE BYSadique Naseem

    azmat-e-fikr ke andāz ayaañ bhī hoñge

    ham zamāne meñ subuk haiñ to garāñ bhī hoñge

    jin sitāroñ ko ḳhudā maan ke puujā thā kabhī

    ab unhīñ par mire qadmoñ ke nishāñ bhī hoñge

    kaise rah saktī haiñ jannat fazā.eñ shaffāf

    ḳhaak uḌāne ko hamīñ log vahāñ bhī hoñge

    be-sutūñ azmat-e-farhād maz.har hai to kyā

    ahl-e-dil kitne benām-o-nishāñ bhī hoñge

    dil ka.ī aur bhī dhaḌke.eñge mire dil tarah

    apne qisse ba-hadīs-e-digarāñ bhī hoñge

    yuuñ to taz.īn-e-gul-o-ġhuncha meñ shāmil haiñ sabhī

    haa.e vo rañg jo ab harf-e-ḳhizāñ bhī hoñge

    jab shaguft-e-gul-e-bādām rut aa.egī

    ko.eTe ko nahīñ bhūleñge jahāñ bhī hoñge

    avvalīñ diid meñ apnī nigāheñ kho kar

    zindagī-bhar tirī jānib nigarāñ bhī hoñge

    ḳhud-numā.ī ke liye bante ho mazlūm 'nasīm'

    zaḳhm khaa.e haiñ to kuchh un ke nishāñ bhī hoñge

    azmat-e-fikr ke andaz ayan bhi honge

    hum zamane mein subuk hain to garan bhi honge

    jin sitaron ko KHuda man ke puja tha kabhi

    ab unhin par mere qadmon ke nishan bhi honge

    kaise rah sakti hain jannat ki fazaen shaffaf

    KHak uDane ko hamin log wahan bhi honge

    be-sutun azmat-e-farhad ka mazhar hai to kya

    ahl-e-dil kitne hi benam-o-nishan bhi honge

    dil kai aur bhi dhaDkeenge mere dil ki tarah

    apne qisse ba-hadis-e-digaran bhi honge

    yun to tazin-e-gul-o-ghuncha mein shamil hain sabhi

    hae wo rang jo ab harf-e-KHizan bhi honge

    jab shaguft-e-gul-e-baadam ki rut aaegi

    koeTe ko nahin bhulenge jahan bhi honge

    awwalin did mein hi apni nigahen kho kar

    zindagi-bhar teri jaanib nigaran bhi honge

    KHud-numai ke liye bante ho mazlum 'nasim'

    zaKHm khae hain to kuchh un ke nishan bhi honge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY