Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aa gaya zulf ke dam mein dil-e-nadan apna

Mohammad Yusuf Rasikh

aa gaya zulf ke dam mein dil-e-nadan apna

Mohammad Yusuf Rasikh

MORE BYMohammad Yusuf Rasikh

    aa gayā zulf ke dam meñ dil-e-nādāñ apnā

    apne hāthoñ se kiyā haal pareshāñ apnā

    vo dikhāte haiñ kise jalva-e-pinhāñ apnā

    kyā kareñ haal bayāñ mūsī-e-imrāñ apnā

    uThe dekh ke ham kūcha-e-jānāñ bahār

    aañkh ke sāmne thā chashma-e-haivāñ apnā

    ishq meñ hausla-e-zabt na ho kyā ma.anī

    hai vo majnūñ jo kare chaak garebāñ apnā

    haa.e muñh Dhāñk ke rone bhī sūrat na rahī

    dasht meñ chhīn liyā ḳhaar ne dāmāñ apnā

    phuul ke husn pe sarmast haiñ murġhān-e-chaman

    kis se afsāna kahe bulbul-e-nālāñ apnā

    din ko ham bādiya-paimā.ī kiyā karte haiñ

    bistar ab raat ko hai reg-e-bayābāñ apnā

    tum sambhāloge to dil apnā sambhal jā.egā

    varna qaabū nahīñ dil par shab-e-hijrāñ apnā

    abhī kamsin ho shabāb aa.egā aate aate

    rañg badlegā abhī ālam-e-imkāñ apnā

    dekhne ke liye rahmat ke karishme haiñ bahut

    kaun dekhegā vahāñ nāma-e-isyāñ apnā

    saaf rusvā.ī ke āsār nazar aate haiñ

    kahne sunñe meñ nahīñ hai dil-e-nādāñ apnā

    yaad aane lagī yārān-e-vatan sohbat

    dasht-e-ġhurbat meñ hai allāh nigahbāñ apnā

    kaun hotā hai musībat meñ bashar hamdam

    shab-e-furqat ke sivā kaun hai pursāñ apnā

    kyuuñ milā hai hameñ āḳhir ye kafan parda

    maut aañkh meñ khaTkā tan-e-uryāñ apnā

    dil koī chiiz nahīñ terī mohabbat ke baġhair

    maiñ to samjhā thā ġham-e-ishq ko mehmāñ apnā

    bāda-noshī se ye e.azāz milā hai zāhid

    aap ko shaiḳh samajhte haiñ musalmāñ apnā

    aaj har qatre se aatī hai anal-haq sadā

    ye dikhātā hai asar ḳhūn-e-shahīdāñ apnā

    malak-ul-maut sūrat se maiñ ghabrātā huuñ

    aap rakhte mujhe sharminda-e-ehsāñ apnā

    daur-e-sāġhar meñ nazar aa.e nizām-e-qudrat

    saath is tarah se de gardish-e-daurāñ apnā

    āshiq-e-zār pe rah rah ke nazar paḌtī hai

    DhūñDhtī hai koī hamdam shab-e-hijrāñ apnā

    ham-qafas jitne haiñ sayyād se tharrāte haiñ

    kyā kahūñ kis se kahūñ hāl-e-pareshāñ apnā

    ham ne 'rāsiḳh' tire ustād dekhā hai kalām

    aaj ham-sar nahīñ rakhtā vo suḳhan-dāñ apnā

    ġhair bazm ke muhtāj nahīñ ham 'rāsiḳh'

    shād-o-ābād rahe kulba-e-ahzāñ apnā

    mai-kashī hai tire chehra se numāyāñ 'rāsiḳh'

    ne kyā haal kiyā hai ye merī jaañ apnā

    aa gaya zulf ke dam mein dil-e-nadan apna

    apne hathon se kiya haal pareshan apna

    wo dikhate hain kise jalwa-e-pinhan apna

    kya karen haal bayan musi-e-imran apna

    ji uThe dekh ke hum kucha-e-jaanan ki bahaar

    aankh ke samne tha chashma-e-haiwan apna

    ishq mein hausla-e-zabt na ho kya mani

    hai wo majnun jo kare chaak gareban apna

    hae munh Dhank ke rone ki bhi surat na rahi

    dasht mein chhin liya KHar ne daman apna

    phul ke husn pe sarmast hain murghan-e-chaman

    kis se afsana kahe bulbul-e-nalan apna

    din ko hum baadiya-paimai kiya karte hain

    bistar ab raat ko hai reg-e-bayaban apna

    tum sambhaaloge to dil apna sambhal jaega

    warna qabu nahin dil par shab-e-hijran apna

    abhi kamsin ho shabab aaega aate aate

    rang badlega abhi aalam-e-imkan apna

    dekhne ke liye rahmat ke karishme hain bahut

    kaun dekhega wahan nama-e-isyan apna

    saf ruswai ke aasar nazar aate hain

    kahne sunne mein nahin hai dil-e-nadan apna

    yaad aane lagi yaran-e-watan ki sohbat

    dasht-e-ghurbat mein hai allah nigahban apna

    kaun hota hai musibat mein bashar ka hamdam

    shab-e-furqat ke siwa kaun hai pursan apna

    kyun mila hai hamein aaKHir ye kafan ka parda

    maut ki aankh mein khaTka tan-e-uryan apna

    dil koi chiz nahin teri mohabbat ke baghair

    main to samjha tha gham-e-ishq ko mehman apna

    baada-noshi se ye eazaz mila hai zahid

    aap ko shaiKH samajhte hain musalman apna

    aaj har qatre se aati hai anal-haq ki sada

    ye dikhata hai asar KHun-e-shahidan apna

    malak-ul-maut ki surat se main ghabraata hun

    aap rakhte mujhe sharminda-e-ehsan apna

    daur-e-saghar mein nazar aae nizam-e-qudrat

    sath is tarah se de gardish-e-dauran apna

    aashiq-e-zar pe rah rah ke nazar paDti hai

    DhunDhti hai koi hamdam shab-e-hijran apna

    ham-qafas jitne hain sayyaad se tharraate hain

    kya kahun kis se kahun haal-e-pareshan apna

    hum ne 'rasiKH' tere ustad ka dekha hai kalam

    aaj ham-sar nahin rakhta wo suKHan-dan apna

    ghair ki bazm ke muhtaj nahin hum 'rasiKH'

    shad-o-abaad rahe kulba-e-ahzan apna

    mai-kashi hai tere chehra se numayan 'rasiKH'

    tu ne kya haal kiya hai ye meri jaan apna

    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now