aab-o-dana tera ai bulbul-e-zar uThta hai

āb-o-dāna tirā ai bulbul-e-zār uThtā hai

fasl-e-gul jaatī hai sāmān-e-bahār uThtā hai

shaiḳh bhī muztarib-ul-hāl pahuñch jaatā hai

jānib-e-mai-kada jab abr-e-bahār uThtā hai

marhabā bār-e-amānat ke uThāne vaale

kyā kaleja hai tumhārā ki ye baar uThtā hai

ḳhār-e-sahrā-e-mohabbat kī khaTak kyā kahiye

jab qadam uThtā hai apnā sar-e-ḳhār uThtā hai

dū-e-āh-e-dil-e-sozāñ hai 'mubārak' apnā

jo dhuāñ sham.a se balīn-e-mazār uThtā hai

aab-o-dana tera ai bulbul-e-zar uThta hai

fasl-e-gul jati hai saman-e-bahaar uThta hai

shaiKH bhi muztarib-ul-haal pahunch jata hai

jaanib-e-mai-kada jab abr-e-bahaar uThta hai

marhaba bar-e-amanat ke uThane wale

kya kaleja hai tumhaara ki ye bar uThta hai

KHar-e-sahra-e-mohabbat ki khaTak kya kahiye

jab qadam uThta hai apna sar-e-KHar uThta hai

du-e-ah-e-dil-e-sozan hai 'mubarak' apna

jo dhuan shama se balin-e-mazar uThta hai